Ortalyq Azııadaǵy joǵary bilim berý keńistiginiń bıýrosy qurylmaq
Konferentsııa jumysy Ortalyq Azııadaǵy bilim berý salasy boıynsha óńirlik yntymaqtastyqty damytýǵa baǵyttalǵan. Oǵan Qazaqstan, Qyrǵyzstan, Tájikstan Bilim mınıstrlikteriniń ókilderi, Ortalyq Azııa elderindegi joǵary oqý oryndarynyń rektorlary, Eýropa Keńesi, Quacquarelli Symonds (QS), UNESCO, BFUG jáne Latvııanyń akademııalyq aqparattyq ortalyǵy sııaqty halyqaralyq uıymdardyń ókilderi qatysty.
Konferentsııaǵa qatysýshylar Ortalyq Azııadaǵy joǵary bilim berý keńistiginiń bıýrosyn qurý týraly birlesken sheshim qabyldady. Onyń quramyna ár eldiń ókili kire otyryp, tepe-teńdik sharttarynda áreket etedi. Bıýronyń mıssııasy – aımaqtaǵy Bolon reformalaryn ilgeriletý arqyly Ortalyq Azııa elderindegi joǵary bilimniń tartymdylyǵyn arttyrý. Jańa organ Ǵylym jáne joǵary bilim mınıstrliginiń Bolon protsesi jáne akademııalyq utqyrlyq ortalyǵynda ornalasady.
Konferentsııanyń plenarlyq otyrysyn QR Ǵylym jáne joǵary bilim mınıstri Saıasat Nurbek ashty. Ol Ortalyq Azııadaǵy joǵary bilim berý keńistigin qurýdyń negizderi Eýropalyq Odaq pen Ortalyq Azııanyń Bilim mınıstrleriniń kezdesýlerinde jáne basqa da birlesken jobalarda qalanǵanyn atap ótti.
«Biz Ortalyq Azııadaǵy joǵary bilim berý keńistigin stýdentter men joǵary oqý oryndarynyń akademııalyq quramy oqý, bilim, tájirıbe almasý, zertteýlerge qatysý úshin kedergisiz qozǵala alatyn erkin aımaq retinde kóremiz. Bıyl Qazaqstan sheteldik azamattarǵa arnalǵan stıpendııalyq baǵdarlama sheńberinde Ortalyq Azııa bilim berý keńistigine kirgen elderdiń azamattaryna 186 grant bóldi», - dep atap ótti Saıasat Nurbek.
Aıta ketsek, 2021 jyly Qazaqstan, Qyrǵyzstan, Tájikstan, Ózbekstan jáne Túrikmenstan Ortalyq Azııadaǵy joǵary bilim berý keńistiginiń negizgi qaǵıdattary týraly Túrkistan deklaratsııasyn qabyldady. Al, bıyl mamyr aıynda Almatyda Ortalyq Azııa rektorlarynyń forýmy ótip, Ortalyq Azııa ýnıversıtetteriniń qaýymdastyǵyn qurý týraly sheshim qabyldandy.
