Ortalyq Eýropada turǵyn úıdi jalǵa alý quny ósti

ASTANA. KAZINFORM — Ortalyq Eýropa elderinde ótken aıda turǵyn úıdi jalǵa berý baǵasy jyldyq esepte orta eseppen 7,6 paıyzǵa ósken, al aılyq ósim shamamen 1 paıyzǵa jaqyndaǵan.

Bul týraly AZƏRTAC agenttigi Budapest Business Journal basylymyna silteme jasap habarlaıdy.

Tek Slovakııa astanasy Bratıslavada jalǵa alý quny 8,6 paıyzǵa artqan.

Al Chehııa astanasy Pragada ortasha aılyq jaldaý aqysy 680 eýro bolǵan.

Vengrııada turǵyn úıdi jalǵa alý baǵasy bir aıda el boıynsha 0,9 paıyzǵa, al Býdapeshtte 1,3 paıyzǵa ósken. Eldiń basqa qalalarynda jaǵdaı sál ózgeshe: Vengrııanyń ekinshi iri qalasy Debretsende ortasha aılyq jaldaý aqysy 225 000 forınt (1 eýro = 402 forınt) bolsa, Seged, Pech jáne Der sekildi aımaqtyq ortalyqtarda jaldaý aqysy 160 000-nan 190 000 forıntke deıin ósken.