Ortalyq Azııadaǵy eń qymbat jas fýtbolshy kim

ASTANA. KAZINFORM — Ortalyq Azııanyń transferlik quny boıynsha jańa kóshbasshysy – almatylyq «Qaırat» pen Qazaqstan jastar quramasynyń 16 jastaǵy shabýylshysy Dastan Sátpaev, dep habarlaıdy Transfermarkt.

Atalmysh portaldyń sońǵy málimetteri boıynsha onyń quny 500 myńnan 1,8 mıllıon eýroǵa deıin kóterilgen.

Bul — Qazaqstan úshin ǵana emes, Tájikstan, Ózbekstan, Qyrǵyzstan jáne Túrikmenstan kiretin búkil Ortalyq Azııa fýtbol aımaǵy úshin rekordtyq kórsetkish.

Jas shabýylshy reıtıngtiń burynǵy kóshbasshylary – quny 1,5 mıllıon eýrony quraıtyn Tájikstan quramasynyń qaqpashysy Rýstam ıAtımov (Rostov) men ózbekstandyq Abdývohıd Nematovty («Nasaf») basyp ozdy.

Olardyń qasynda «Nasaftyń» taǵy bir ókili – jartylaı qorǵaýshy Akmal Mozgovoı bar, onyń da quny jaqynda 1,5 mıllıon eýroǵa deıin ósti.

Ózbekstandyq oıynshylardyń AFK Kýbogynda jáne Ózbekstan quramasynda turaqty óner kórsetýi aıasynda olardyń quny odan ári artýy múmkin ekeni atap ótildi.

Tájikstan chempıonatynda baǵanyń 500 myń eýroǵa deıin tómendegenine qaramastan, eń qymbat oıynshy bolyp Dýshanbeniń «Istıqlol» klýbynyń oıynshysy Alısher Jalılov qaldy. Ol el chempıony men ulttyq quramadaǵy basty tulǵa bolyp qalýda.

Qyrǵyzstanda eń qymbat oıynshy — 450 myń eýroǵa baǵalanǵan «Abdysh-Ata» klýbynyń qorǵaýshysy Hrıstıan Braýzman.

Ol — 400 myńnan joǵary baǵamen Transfermarkt tizimine engen Qyrǵyzstan chempıonatynyń jalǵyz ókili.

Túrikmenstanda birinshi oryndy árqaısysy 200 myń eýroǵa baǵalanǵan úsh oıynshy bólisip otyr: Selım Nurmuradov («Altyn Asyr»), sondaı-aq chempıon «Arqadag» klýbynan Mekan Saparov pen Altymýrad Annadýrdyev.

Bir qyzyǵy, «Tobylda» óner kórsetetin qazaqstandyq shabýylshy Islam Chesnokovtyń da quny – 900 myńnan 1 mıllıon eýroǵa deıin ósken. Biraq, jergilikti jankúıerlerdiń aıtýynsha, bul onyń oıyn deńgeıine áli jetkiliksiz.

Osylaısha, Dastan Sátpaev Ortalyq Azııadaǵy eń qymbat fýtbolshylardyń reıtınginde kósh bastap qana qoıǵan joq – ol aımaqtaǵy fýtbol deńgeıiniń ósip kele jatqanynyń sımvolyna aınaldy jáne 16 jasar talanttyń juldyzdardy qalaı basyp ozatynynyń jarqyn úlgisi boldy.

Eske sala keteıik, QPL-da Dastan Sátpaev maýsymdaǵy segizinshi golyn salyp, «Qaıratqa» jeńis syılaǵany jaıly jazǵan edik.