Ortalyq Azııa jáne EO elderiniń SІM basshylary alǵashqy ret keń formattaǵy kezdesý ótkizdi
Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý bastaǵan qazaqstandyq delegatsııa «Ortalyq Azııa – Eýropalyq Odaq» mınıstrlik kezdesýiniń 19-shy otyrysyna qatysty.
Otyrys aıasynda alǵash ret Ortalyq Azııanyń 5 eli jáne Eýroodaqqa 27 múshe memlekettiń syrtqy ister mınıstrleri bas qosty, dep habarlaıdy Kazinform QR Syrtqy ister mınıstrliginiń baspasóz qyzmetine silteme jasap.
Kezdesýge qatysýshylar Ortalyq Azııa memleketteriniń Eýropalyq Odaqpen qarym-qatynasyn tereńdetý boıynsha birlesken jol kartasyn usyndy. Qujat Ortalyq Azııa memleketteri basshylarynyń jáne Eýropalyq Keńes Prezıdentiniń 2023 jylǵy 2 maýsymda Cholpon-Atadaǵy kezdesýinde qol jetkizgen ýaǵdalastyqqa sáıkes pysyqtalǵan.
Eýroodaqtyń Ortalyq Azııa boıynsha 2019 jylǵy strategııasyn tolyqtyratyn jol kartasy óńiraralyq yntymaqtastyq salalaryn edáýir keńeıtedi. Qujat ózara naqty is-qımyldyń negizgi baǵyttaryn aıqyndaıdy. Olardyń arasynda Ortalyq Azııa elderiniń kólik ınfraqurylymyn Transeýropalyq kólik jelisimen (TEN-T) baılanystyrý, synı shıkizat materıaldaryn óńdeý, óńirdegi jasyl jobalardy qarjylandyrý, sondaı-aq fıtosanıtarııa, veterınarııalyq sharalar jáne t.b. salalar bar.
QR Syrtqy ister mınıstri M. Nurtileý óz sózinde qazirgi geosaıası jaǵdaıda eki óńirdiń syrtqy saıası vedomstvolary basshylarynyń kezdesýin ótkizýdiń mańyzdylyǵy men ýaqtylylyǵyn, ózara tıimdi yntymaqtastyqty is júzinde ilgeriletý úshin osy alańnyń biregeıligin atap ótti.
«Eýropalyq áriptesterdiń tyǵyz ózara is-qımyly men saıası qoldaýynyń arqasynda Ortalyq Azııanyń jahandyq saıasattaǵy róli kún saıyn artyp keledi. S5+ formaty óziniń ózektiligi men tıimdiligin anyq kórsetip keledi», – dedi mınıstr.
QR syrtqy saıası vedomstvosynyń basshysy aýyl sharýashylyǵy, ınvestıtsııalyq jáne tsıfrlyq yntymaqtastyq salalaryndaǵy birqatar bastamany, sondaı-aq Transkaspıı dáliziniń tolyq áleýetin ashý boıynsha qazaqstandyq taraptyń usynysyn jarııa etip, osy rette eýropalyq eksporttaýshylardy Eýropadan Azııaǵa baǵyttalǵan kólik dálizin belsendi paıdalanýǵa shaqyrdy.
Sonymen qatar mınıstr M. Nurtileý Ortalyq Azııa óńiri úshin klımattyń ózgerýine qarsy kúres salasyndaǵy yntymaqtastyqtyń ózektiligin atap ótip, osy baǵyttaǵy jumys pen bastamalar týraly habarlady. Osy rette Qazaqstannyń 2060 jylǵa qaraı kómirtegi beıtaraptyǵyna qol jetkizý jospary, Almatyda Ortalyq Azııa elderiniń klımat jáne jasyl energetıka máseleleri jónindegi jobalyq keńsesin ashý jáne 2026 jyly Qazaqstanda BUU Óńirlik klımattyq sammıtin ótkizý josparlary taǵy da rastaldy.
Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili – Eýropalyq Komıssııanyń Vıtse-prezıdenti Jozep Borrell bul alań jemisti kópjaqty áriptestiktiń jarqyn úlgisi ekenin atap ótti.
Onyń pikirinshe, yntymaqtastyqty odan ári tereńdetý saýdany keńeıtýge, ınvestıtsııa tartýǵa, kóliktik jáne tsıfrlyq ózara baılanysty damytýǵa járdemdesetin bolady. Eýroodaqtyń «Global Gateway» jáne «Green Deal» negizgi strategııalaryn júzege asyrý da osy maqsattarǵa qol jetkizýge múmkindik beredi.
Halyqaralyq yntymaqtastyq jónindegi Eýropalyq Komıssar ıÝtta Ýrpılaınen óz sózinde bilim berý jáne gýmanıtarlyq jobalardy júzege asyrý arqyly adamı baılanystardy damytý jáne ózge de aǵymdaǵy jáne jańa óńirlik baǵdarlamalarǵa sholý jasady.
Otyrys qorytyndysy boıynsha Ortalyq Azııa elderi men EO syrtqy saıası vedomstvolary basshylarynyń birlesken kommıýnıkesi qabyldandy.
Kommıýnıkede QR Prezıdenti Qasym-Jomart Toqaevtyń 2026 jyly Qazaqstanda BUU Klımattyq sammıtin ótkizý jáne Halyqaralyq Araldy qutqarý qory sheńberinde taraptardyń yntymaqtastyǵyn keńeıtý jónindegi jáne ózge de bastamalar kórinis tapty.
«Ortalyq Azııa – Eýropalyq Odaq» mınıstrlik kezdesýiniń kelesi otyrysyn 2024 jyly Túrikmenstanda ótkizý josparlanǵan.
