Ortalyq Azııa elderi sý tapshylyǵynan jylyna $2 mlrd joǵaltýy múmkin – BUU
TAShKENT. KAZINFORM – Ortalyq Azııa elderiniń sarapshylary men halyqaralyq uıym ókilderi Ózbekstanda bas qosyp, óńirdegi sý tapshylyǵy máselesin sheshý joldaryn izdestirdi, dep habarlaıdy Kazinform agenttiginiń menshikti tilshisi.
UZA aqparat agenttiginiń málimetinshe, keıingi jyldary óńir elderi sý resýrstaryn basqarý salasyndaǵy yntymaqtastyqty júıeli jolǵa qoıa bildi. Atap aıtqanda, Syrdarııa men Ámýdarııany boılaı ornalasqan memleketter ózen sýyn tek múmkindik negizinde tutynyp keledi.
Degenmen másele de joq emes. Sarapshylar atap ótkendeı, Ortalyq Azııada baıqalyp jatqan tirshilik náriniń tapshylyǵy óńirdiń keleshek damýyna áser etetini sózsiz. Jıynǵa qatysqan Birikken Ulttar Uıymy ókilderiniń boljamyna saı, 2040 jylǵa qaraı aımaqtaǵy sý tapshylyǵy 3 ese artýy múmkin.
Ýaqyt óte kele onyń saldarynan Ortalyq Azııaǵa keletin ekonomıkalyq shyǵyn jalpy óńirlik ónim kóleminiń 11 paıyzyna teńelýi ǵajap emes. BUU ókilderi aımaq memleketteri sý tapshylyǵy men ony tıimsiz paıdalanýdan jylyna 2 mlrd dollar joǵaltatynyn málimdep otyr.
Osy oraıda, Ózbekstandaǵy semınar barysynda mamandar atalǵan máselelerdi sheshýge baǵyttalǵan usynystarymen bólisti. Qatysýshylardyń pikiri transshekaralyq ózenderdi basqarý júıesin birlesip jetildirip, sý únemdeý tehnologııalaryn engizý boıynsha ortaq strategııa qabyldaý oryndy degenge saıady.
- Ortalyq Azııadaǵy sý tapshylyǵy yqylymnan ózekti másele sanalady. Bul basqosý barysynda biz júrgizilgen jahandyq monıtorıng nátıjelerin talqylap jatyrmyz. Qazirgi ýaqytta óńir elderi sýdy tıimdi paıdalaný jáne transshekaralyq ózenderdiń ekologııalyq jaǵdaıyn jaqsartý sharalaryna asa kóńil bóledi. Memleketter arasyndaǵy sýǵa qatysty negizgi máseleler sheshimin tapty. Alaıda, jerasty sýlaryn bólý tóńiregindegi túıtkilder qalyp otyr, - dedi BUU Transshekaralyq sýlar boıynsha Eýropalyq komıssııasy hatshylyǵynyń zańgeri ıÝlııa Trombıtskaıa.
Uıymdastyrýshylardyń aıtýynsha, semınar qorytyndysy boıynsha sý máselesine qatysty pikir qosqan sarapshylardyń paıymy negizinde tıisti usynystar ázirlenedi. Keıin ol taldaý derekterin Qazaqstan, Ózbekstan, Tájikstan, Qyrǵyzstan jáne Túrikmenstan úkimetteriniń qaraýyna engizý josparlanǵan.
Eske salaıyq, bıyl 29 qańtarda Dýshanbe qalasynda Ortalyq Azııanyń Memleketaralyq sý sharýashylyǵyn úılestirý komıssııasynyń 88-shi otyrysy ótti. Onyń barysynda jasalǵan kelisim nátıjesinde Qazaqstan kórshiles elderden kóktemde 11 mlrd tekshe metr sý alatyn boldy.
Buǵan deıin habarlaǵanymyzdaı, Qazaqstan men Ózbekstan sý bólý kelisiminiń jobasyn ázirlep jatyr.
Munymen birge, resmı Astana men Tashkent Syrdarııa boıyna sý esepteıtin qurylǵylar ornatýdy bıyl aıaqtaýdy josparlap otyr.
Sondaı-aq ózbekstandyq kompanııalar Qazaqstanda sý únemdeý tehnologııalaryn engizýi múmkin.