Ortaq zeınetaqy qorynda olqylyq bolmaıdy
Bul iske bel sheshe, bilek sybana kirisken Mınıstrler kabıneti araǵa 7-8 aı salyp, elimizdiń Memlekettik jınaqtaýshy zeınetaqy qoryn Úkimettiń arnaıy qaýlysymen Biryńǵaı jınaqtaýshy zeınetaqy qory retinde qaıta qurǵan edi. Osylaısha, Qazaqstannyń qarjy ınstıtýttary qataryn tolyqtyrǵan Biryńǵaı jınaqtaýshy zeınetaqy qory az ýaqyttyń ishinde jumystaryn jolǵa qoıyp, búginde elimizdegi 6 qordyń aǵymdyq esepshottary men zeınetaqy aktıvterin ózine tolyǵymen qosyp alý jumystaryn aıaqtady. Alda áli de 3 qordyń aktıvterin qosý mindeti tur.
Búgin QR Premer-Mınıstriniń orynbasary Gúlshara Ábdiqalyqovanyń qatysýymen ótken Eńbek jáne halyqty áleýmettik qorǵaý mınıstrliginiń alqa májilisinde «Biryńǵaı jınaqtaýshy zeınetaqy qory» AQ tóraǵasynyń orynbasary Rýslan Erdenaev atqarǵan jumystary jaıynda keńinen aqparat berdi. «Halyqty biryńǵaı jınaqtaýshy zeınetaqy qorynyń qoljetimdiligimen qamtamasyz etýdegi bizdiń basty maqsatymyz fılıaldar jelisin damytý, sondaı-aq aqparat almasý arnalarynyń barlyq múmkinshilikterin paıdalaný bolyp otyr. Búginde jınaqtaýshy zeınetaqy qory respýblıka boıynsha qyzmet kórsetetin 243 beketin, ıaǵnı 18 fılıaldy, 24 fılıal bólimshesin jáne 201 qyzmet kórsetý ortalyǵyn qamtıtyn keń aýqymdy óńirlik jelige ıe», - dedi ol.
Sondaı-aq onyń atap ótýinshe, qor basshylyǵy munymen de toqtamaı óńirlik jelilerdi odan ary keńeıtý baǵytyndaǵy múmkinshilikterdi qosymsha zerdeleýdi qolǵa alýda. Buǵan qosa azamattar zeınetaqy jınaǵynyń jaı-kúıine qatysty kez kelgen aqparatty tegin ári qalaǵan kúninde ala alatyn bolady. Salymshylarǵa yńǵaıly bolýy úshin olardyń qalaýy boıynsha aqparat alýynyń san-túrli múmkindigi de qarastyrylyp otyr. ıAǵnı, qordan salymshynyń elektrondy meken-jaıyna aqparat jiberý, BZJQ-nyń resmı saıty ne bolmasa halyqqa qyzmet kórsetý ortalyqtary arqyly salymshynyń jeke kabınetin ashý tetikteri de pysyqtalý ústinde. Budan bólek, taıaý aralyqta 1414 biryńǵaı baılanys ortalyǵynyń jáne Eńbek jáne halyqty áleýmettik qorǵaý ortalyǵynyń 1411 baılanys ortalyǵynyń tehnıkalyq múmkinshilikterin paıdalana otyryp halyqqa keńes berý jumystary qolǵa alynady.
«Sonymen birge qazirgi ýaqytta Eńbek jáne halyqty áleýmettik qorǵaý men Kólik jáne kommýnıkatsııa mınıstrlikteri birlesip, Úkimettiń elektrondy shlıýzi arqyly ınvestıtsııalyq kirisi kórsetilgen jeke zeınetaqy esepshotynyń elektrondy túbirtegin berý múmkinshiligin qarastyryp jatyr», - dedi ol.
Qor basshysy orynbasarynyń atap ótýinshe, BJZQ qyzmetterimen halyqty tolyq qamtý maqsatynda Memlekettik zeınetaqy tóleý ortalyǵymen birlesip, zeınetaqy qoryna aýdarymdardyń tolyqtyǵy men turaqtylyǵyna monıtorıng júrgizý qolǵa alynady. Bul oraıda salymshyǵa onyń zeınetaqy jarnasynyń túspegendigi jaıynda mindetti túrde aqparat jiberý múmkinshiligi de qarastyrylýda.
Al, endi talaı adamnyń kóńilin kúpti etken jeke zeınetaqy qorlarynan Biryńǵaı jınaqtaýshy zeınetaqy qoryna salymdardyń aýdarylýyna keler bolsaq, qoǵamnyń alańdaýyna esh sebep joq. Óıtkeni, talaı jylǵy eńbegimen jıǵan, ıaǵnı, qartaıǵanda qajetine jarar tıyn-tebeniniń shashaýy shyqpaı qorǵa aýdarylady. Qazirgi ýaqytta salymshylardyń jeke zeınetaqy esepshottary men olardyń basqa jınaqtaýshy zeınetaqy qorlaryndaǵy jınaqtaryn ortaq qorǵaý aýdarý bekitilgen keste boıynsha qatań júzege asyrylýda. Bul rette salymshylardyń ózderine qandaı da bir áreket jasap, alańdaýynyń esh qajeti joq. Olar Biryńǵaı jınaqtaýshy zeınetaqy qoryna avtomatty rejimde aýdarylady. «Sondaı-aq qoǵamda jekelegen azamattardyń arasynda óz jınaqtarynyń saqtalýyna qatysty alańdaýshylyq bar. Birden atap óteıin, qor salymshylardyń zeınetaqy jınaqtarynyń saqtalýyna ári tolyq kólemde aýdarylýyna qatysty barlyq sharalardy qolǵa alýda», - dedi ol.
R.Erdenaevtyń atap ótýinshe, qazirgi tańda 6 zeınetaqy qorynyń aǵymdyq esepshottary men zeınetaqy aktıvteriniń BJZQ-ǵa qosylýy tolyǵymen júzege asyrylyǵan. Olar - «Respýblıka», «Otan», «Kapıtal», «Atameken», «Astana», «NefteGaz-Dem» jınaqtaýshy zeınetaqy qorlary. Al qazirgi tańda «Grantým» qorynyń esepshottary men aktıvterin qosý jumystary júrgizilýde. Budan bólek taǵy 2 iri jınaqtaýshy zeınetaqy qory qalyp otyr. Olar - «Ular Úmit» pen «Halyq bankiniń» jınaqtaýshy zeınetaqy qory. «Osylaısha, 2014 jyldyń 1 sáýirinde barlyq jeke salymshylar esepshottary men olardyń zeınetaqy jınaqtary BJZQ-ǵa beriletin bolady. Al zeınetaqy aktıvterin basqarýdy QR Ulttyq banki júzege asyrady», - dedi R.Erdenaev.
Aıta keterligi, aǵymdaǵy jyldyń 1 aqpanynda Biryńǵaı jınaqtaýshy zeınetaqy qoryna barlyq zeınetaqy aktıvteriniń 46,5 paıyzy nemese 1,7 trln. teńgesi shoǵyrlanǵan. Al kelisimshart jasalǵan salymshylardyń jeke zeınetaqy esepshottarynyń sany 4,5 mln. birlikke jetip otyr.
Aıtpaqshy, R.Erdenaev bıyl zeınetkerlikke shyǵatyn azamattardyń talaı jylǵy jınaǵan salymdarynyń qalaı beriletindigin de túsindirip ótti. «Eger zeınetaqy jınaǵy 30 eń tómengi zeınetaqydan tómen bolǵan jaǵdaıda, al ol aǵymdaǵy jyly 623,5 myń teńgeni quraıdy, ony birden alýǵa bolady», - dedi ol.
Onyń atap ótýinshe, jınalǵan aqsha atalǵan somadan kóp bolsa, onda aı saıyn nemese toqsan aıyn keste boıynsha bólip alý quqyǵy qarastyrylǵan. Ol úshin turǵylyqty meken-jaıy boıynsha BJZQ bólimshesine barý qajet. «Bizdiń qyzmetkerler zeınetaqyny esepteıdi. Bul rette salymshy tólem tásili men jetkizý jolyn ózi tańdap alady. Al eger jınaǵan qarjyńyz tym kóp bolsa, onda ony buǵan deıin belgilengen zeınet jasynda, ıaǵnı áıelder 50, erkekter 55 jasynda zeınet annýıteti arqyly alý múmkindigine ıe», - dedi R.Erdenaev.
