Orazkúl Asanǵazy jetisaılyq qyz-kelinshektermen kezdesti

JETІSAI. QazAqparat – Túrkistan oblysy, Jetisaı aýdanynda Qazaqstan Respýblıkasy Parlamentiniń eks-depýtaty, memleket jáne qoǵam qaıratkeri Orazkúl Asanǵazy qyz-kelinshektermen kezdesti, dep habarlaıdy QazAqparat tilshisi.

Taǵlymdy kezdesýge aýdan ákiminiń orynbasary Maqsat Joldasbekov pen aýdandyq bilim bóliminiń ádiskerleri, ustazdar men kolledj stýdentteri qatysty

Kezdesýdiń negizgi taqyrybynda qazaqy salt-dástúr men tálim-tárbıeniń keshegisi, búgini, bolashaǵy jaıy qamtyldy.

Til janashyry názikjandylardy ómirde kezdesetin qıyndyqtarǵa moıymaı alǵa umtylýǵa, maqsatqa jetýde tabandylyq tanytýǵa shaqyrdy. Urpaqtar sabaqtastyǵyn saqtap, otbasy qundylyqtaryn dáripteýge arnalǵan basqosýda Orazkúl Asanǵazy bala tárbıesindegi negizgi ustanymdar men qaǵıdattar jaıynda aıtyp ótti. Tálim-tárbıe tetikteri men baǵyt-baǵdary, ónegeli, úlgili otbasylar jaıynda jaıynda keńinen áńgime qozǵady. Ómir joly ónegege toly kóp balaly analardyń aqyl-keńesteri tyńdalyp, usynys-pikirleri aıtyldy.

«Biz bul sharany uıymdastyrý arqyly otasynyń qadir-qasıetin arttyryp, urpaqtar sabaqtastyǵyn saqtaýdy maqsat ettik. Perzent aldyndaǵy ata-ananyń jaýapkershiligin aıqyndap, ata-ana aldyndaǵy perzentterdiń mindetin uǵyndyrǵymyz keldi. Árbir otbasy – táýelsiz memlekettimizdiń negizgi bólshegi, quramy ekenin sezindirýge tyrystyq», – dedi Jetisaı aýdany ákiminiń orynbasary Maqsat Januzaquly.

Basqosý barysynda qatysýshylarmen bala tárbıesi men otbasynda, qyzmet barysynda kezdesetin túrli qıyndyqtarǵa baılanysty jaǵdaıatty suraqtar qoıylyp, jaýaptar alyndy. Otbasynyń qadir-qasıetin arttyryp, urpaqtar sabaqtastyǵyn saqtaýdy maqsat etken atalmysh sharanyń jastar úshin de, úlkender úshin de mańyzdy ekendigi aıtyldy.

Kezdesýdi uıymdastyrýshylar qatysýshylardyń belsendiligine shynaıy alǵystaryn bildirdi.