Oraza ustaǵan adamǵa ekpe alýǵa bola ma

NUR-SULTAN. QazAqparat – Oraza ustaǵan adamǵa vaktsına alýǵa bola ma? Bul saýalǵa Qazaqstan musylmandary dinı basqarmasy tóraǵasynyń orynbasary, naıb múftı Ershat qajy Ońǵar jaýap berdi, dep habarlaıdy QazAqparat tilshisi.

«Ekpe saldyrýǵa bolatyn, bolmaıtyny onyń quramyna baılanysty. Ekpeniń quramynda qorektik zat bolmaý kerek. ıAǵnı densaýlyq jaǵdaıynda em úshin alatyn vaktsınany alýǵa ruqsat. Demek vaktsına saldyrý Orazany buzbaıdy», - dep qysqa jaýap qaıtardy naıb múftı Ershat qajy Ońǵar Ortalyq kommýnıkatsııalar qyzmetinde onlaın ótken baspasóz máslıhatynda.

Odan bólek, tóraǵa orynbasary pitir sadaqa berýge qatysty pikir bildirdi.

«Bıyl pitir sadaqa 500 teńge bolyp belgilendi. Onyń quny 2 keli unnyń naryqtaǵy baǵasymen teńestirildi. Elimizdiń barlyq óńirleri boıynsha unnyń baǵasy suralyp, anyqtaldy. Pitir sadaqa berýge kelsek, ony Oraza bastalǵan kúnnen bastap, 30 kúnniń ishinde ótegen jón. ıAǵnı aıt merekesine deıin, Oraza kúnderi bergen abzal», - deıdi ol.

Buǵan deıin jarapazan jyryn jatqa aıtýdan jarys ótetini týraly habarlaǵan edik.

Sondaı-aq elordada basqarma janynan dinı aqparat berý ortalyǵy ashylǵany aıtyldy.