Oraldaǵy saıajaı turǵyndary úılerine orala bastady
ORAL. KAZINFORM - Oral qalasyndaǵy Venera, Rechnık, Trýd, Gazovık, Volna, Úmitker saıajaılarynyń 200-den astam turǵyny óz úılerine oraldy, dep habarlaıdy BQO ákimdiginiń baspasóz qyzmeti.
Budan bólek, búginde sý tasqynynan zardap shekken saıajaı ıelerine 100 aılyq eseptik kórsetkish kóleminde bir jolǵy áleýmettik kómek berilýde. Sondaı-aq, turǵyndardan túsken ótinishter negizinde tólemder jalǵasýda.
Qazirgi ýaqytta Oral qalasynda sý tasqynynan zardap shekkenderdiń shyǵynyn esepteý jáne materıaldyq kómek tóleý jónindegi arnaıy komıssııa jumys isteýde. Komıssııa tekserý aktileri aıasynda sýy ketken saıajaılardy qaraýda. Kezeń-kezeńimen barlyq saıajaılar tehnıkalyq zertteýden ótedi.
Esterińizge sala keteıik, BQO ákimi Narıman Tóreǵalıev ótken aptada saıajaı turǵyndary ornalasqan Oral qalasyndaǵy evakýatsııalyq pýnktterge baryp, sondaı-aq, oblys ortalyǵynda saıajaı turǵyndarmen kezdesken bolatyn.
Kezdesý barysynda tabıǵı apat saldarynan kelgen shyǵyndardy óteý mehanızmderine qatysty saýaldar kóterildi.
Atap óterligi, osyǵan deıin turaqty negizde saıajaı turǵyndarymen kezdesýler ótkizildi, aldaǵy ýaqytta da túsindirý jumystary jalǵasatyn bolady.
