22:40, 25 Qańtar 2024 | GMT +5
Oralda jalǵan polıtsııa qyzmetkeri ustaldy
ASTANA. KAZINFORM – Batys Qazaqstanda polıtsııa qyzmetkerleri jalǵan polıtsııa qyzmetkerin ustady - habarlaıdy Polisia.kz saıty.
Polıtseıler Oral qalasynyń turǵyny ózin polıtsııa qyzmetkeri retinde tanystyryp, 1990j.t. Oral qalasynyń basqa turǵynyna tıesili 100 myń teńge kólemindegi aqshasyn aldap alyp ketkenin anyqtady.
Sondaı-aq kúdiktiniń turǵylyqty jerin jáne avtokóligin tintý barysynda «straıkbol» oıyny úshin avtomat, atalǵan avtomattyń 1 magazıni, 2 pnevmatıkalyq vıntovka, polıtsııa qyzmetkeriniń nysandy kıimi, kóziniń oıyqtary bar qara tústi betperde tabylyp, tárkilendi. Tergeý jumystary júrgizilýde.