Oralda zańsyz dári-dármek satqan erli-zaıyptylar ustaldy
BQO polıtsııa departamenti esirtki qylmysyna qarsy is-qımyl basqarmasynyń qyzmetkerleri Syrym Datuly kóshesi, 19 mekenjaıynda opıoıd tobynyń dári-dármegin zańsyz satýmen aınalysqan erli-zaıyptylardy qolǵa túsirdi.
Departamenttiń baspasóz qyzmeti málim etkenindeı, Oral qalasy sotymen sanktsııalanǵan tintý is-sharalaryn júrgizý barysynda 84 dana aq tústi tabletka, 15 plastınka «Tramadol», 7-10 ml 23 quty «Tropıkamıd» jáne 6 quty «Medaks» tárkilendi.
«Tárkilengen preparattar BQO boıynsha sot saraptamasy ınstıtýtyna jiberildi. Keıinnen materıal QR DSM Medıtsınalyq jáne farmatsevtıkalyq qyzmetti baqylaý komıteti BQO boıynsha departamentine zańdy sheshim qabyldaý úshin beriletin bolady.
Qazirgi ýaqytta dári-dármekterdi zańsyz satýmen aınalysatyn adamdardy anyqtaý maqsatynda reıdtik is-sharalar jalǵasýda», dep habarlady vedomstvodan.
Eske sala keteıik, budan buryn BQO turǵynynyń asa iri kólemdegi esirtkimen qolǵa túskenin jazǵan bolatynbyz.
