Oralda uzaq ýaqyt stýdentterdi aldaǵan alaıaq ustaldy

ORAL. QazAqparat – Oralda alaıaq bir jylǵa jýyq ýaqyt boıy stýdentterdi aldap kelgen, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, alaıaq shaǵyn nesıe rásimdeıtin uıymdar arqyly stýdentterdi otyrǵyzyp ketken.

Kelgen zalal kólemi aldyn ala málimet boıynsha 700 myń teńgeden asty.

Tergeý barysynda kúdiktiniń budan buryn da qylmystyq jaýapkershilikke tartylǵany anyqtaldy.

«Abaı polıtsııa bólimi krımınaldyq bóliminiń qyzmetkerleri 31 jastaǵy kúdiktini qolǵa túsirdi. Ol JOO-lardyń birinde oqıtyn deldal stýdent arqyly jastardyń senimine kirip, nesıe alýdy usynǵan. Bankterde stýdentterge nesıe alý qıyn bolǵandyqtan, olar alaıaqtyń usynysyna kelisip, ózderiniń jeke málimetterin bergen. Nátıjesinde ol stýdentterge nesıe rásimdep, qolma-qol aqshany ózi ıemdenip otyrǵan. Suraǵandarǵa aqshany jýyq arada beremin dep ýáde bergen. Jastar aqyry polıtsııaǵa júgindi. Qazirgi kezde is boıynsha 6 adam jábirlenýshi dep tanyldy. Biraq olardyń sany budan kóp bolýy múmkin. Polıtseıler barlyq mán-jaıdy anyqtaý ústinde. Kúdiktige qatysty QR QK 190-babyna (alaıaqtyq) sáıkes sotqa deıingi tergeý amaldary júrgizilip jatyr», - dep habarlady vedomstvodan.