Oralda turǵyndar medıatorlarǵa elektrondy qyzmet arqyly júginbek
«Tsıfrly Qazaqstan» memlekettik baǵdarlamasy aıasynda oblystyq sot pen BQO ákimdigi qolǵa alǵan joba boıynsha qalada turǵyndar medıatorlarǵa elektrondy qyzmet arqyly júginbek.
Sharaǵa qatysqan oblys ákimi Altaı Kólginovtiń atap ótkenindeı, Elbasynyń kásiporyndardyń, jalpy eldiń básekege qabilettiligin arttyrý, sondaı-aq halyqtyń ómir súrý deńgeıin kóterý úshin ekonomıkanyń túrli salasyn tsıfrlandyrýdy, memlekettik qyzmet sapasyn jaqsartý baǵytynda elektrondy júıeni engizýdi basty mindetterdiń biri retinde qoıǵany belgili. Sonymen qatar «100 naqty qadam» Ult josparynda turǵyndar arasyndaǵy daýlardy sheshýdiń balama túri retinde medıatsııany keńeıtý týraly aıtylǵany málim. Kúni búgin oblysta 100-den astam medıatsııa kabıneti jumys jasaıdy. Endi azamattardyń talap-tilegin tolyǵyraq qanaǵattandyrý úshin jańa pılottyq joba qolǵa alynyp otyr.
Oblystyq sot tóraǵasy Bek Ámetovtiń aıtýynsha, bul halyqqa qyzmet kórsetý ortalyǵy arqyly júzege asyrylatyn respýblıkadaǵy alǵashqy jobalardyń biri bolmaq.
Bastapqy kezeńde elektrondy servıs Oraldaǵy №1 halyqqa qyzmet kórsetý ortalyǵynda iske qosyldy.
«Logitex» JShS jobalarynyń menedjeri Anton Skramovskııdiń sózine qaraǵanda, medıatorǵa onlaın-ótinimdi HQKO-nyń qyzmetkeri arqyly berýge bolady. Sosyn ortalyq qyzmetkeri avtomattandyrylǵan júıe arqyly qoldanystaǵy kásibı jáne kásibı emes medıatorlar tizimine ótinishti joldaıdy. Ótinimderdi qabyldaý medıatorlardyń erkinde. Tirkeýden keıin HQKO-nyń qyzmetkeri júgingen adamǵa medıatordyń aty-jóni, meken-jaıy jáne qabyldaý ýaqytyn habardar ete otyryp, talon beredi. Elektrondyq servıstiń qyzmeti azamattar men medıatorlardyń belsendiligine táýeldi bolady.
Ekinshi kezeń 2018 jyldan bastalady. Aldaǵy jyldan bastap portal qurý arqyly atalǵan servısti barlyq azamattar úshin jalpy qoljetimdilik deńgeıine shyǵarý kózdelýde. Bólmeniń siltemesine kirý arqyly paıdalanýshy medıatsııa týraly materıaldarmen tanysyp, medıatorlar tizimin, jumys kestesin, pikirlerdi, medıatordyń jumys tájirıbesin jáne basqa málimetterdi bile alady. Servıs derbes gadjetter men smartfondarda júkteý jáne ornatý múmkin bolatyn mobıldik qosymshasynda qoljetimdi bolady.
Bul jobanyń basty tıimdiligi, medıatorlardy tańdaý kezinde azamattarǵa ýaqytty únemdeýge jáne qaǵazbastylyqty joıýǵa múmkindik beredi, ekinshi jaǵynan, quqyq qorǵaý organdarynyń jumysyn jeńildetedi.