Oralda turǵyndar dabyl qaqty: Qar sý qorǵaý aýmaǵyna tógilip jatyr

ORAL. KAZINFORM — Oralda kóshelerden shyǵarylǵan qardyń Teleortalyq mańyndaǵy sý qorǵaý aýmaǵyna tógilip jatqany jóninde beınejazba taraldy. 

Beınejazbada qala turǵyny qardyń taǵy da Teleortalyq pen qalalyq mádenıet jáne demalys saıabaǵy aýdanyndaǵy ruqsat etilmegen polıgonǵa shyǵarylyp jatqanyn aıtady.

— Bul jerge Shaǵan ózeni de tıip tur. Jaıyq-Kaspıı basseınaralyq ınspektsııasy qardy osy polıgonǵa shyǵarýǵa tyıym salǵanyna qaramastan, mundaı jaǵdaı jalǵasyp keledi. Bul polıtsııa qyzmetkerleriniń kóz aldynda júrip jatyr. Mine, qardy qarańyz, las. Osy sáttiń ózinde alty mashına kirdi, — deıdi turǵyn.

Atalǵan máselege oraı, Oral qalasy ákimdigi arnaıy joldanǵan saýalǵa jaýap qatty.
Ákimdik málimetine qaraǵanda, abattandyrý qaǵıdalaryna sáıkes jergilikti atqarýshy organdar qar shyǵarý oryndaryn aıqyndaıdy. Al qardy shyǵaratyn kásiporyn qysqy kezeń aıaqtalǵannan keıin aýmaqty tazalap, abattandyrýdy óz mindetine alady. Oral qalasynyń ákimdigi Qazaqstan Respýblıkasynyń Ekologııalyq kodeksiniń talaptaryn buzǵan joq.

Ákimdikte 2025 jylǵy 17 jeltoqsanda tótenshe jaǵdaılardyń aldyn alý jáne olardy joıý jónindegi komıssııa otyrysy ótkizilgen. Onda turǵyn úı-kommýnaldyq sharýashylyq bólimi men merdiger uıymǵa Teleortalyq aýdanyndaǵy polıgonǵa tek jańadan jaýǵan taza qardy ǵana shyǵarýdy uıymdastyrý jáne onyń kólemin kún saıyn esepke alý tapsyrylǵan.

— Jańadan jaýǵan taza qardy shyǵarý týraly qabyldanǵan sheshim ekonomıkalyq kórsetkishterge oń áser etedi. ıAǵnı bıýdjet qarajaty men qar shyǵarý kezinde ýaqyt únemdelip, bul kóshelerdi tazalaýdy jedeldetedi. Sonyń nátıjesinde qoǵamdaǵy áleýmettik máselelerdiń tómendeýine yqpal etedi. Sebebi qazirgi ýaqytta qar shyǵarý úshin qoldanylyp júrgen Asan polıgony jáne Zachagan kenti «Balaýsa» shaǵynaýdanyndaǵy polıgon qalanyń ortalyq bóliginen alys ornalasqan. Ótken jyly Teleortalyq polıgony jabylǵannan keıin bir jumys kúni ishinde shyǵarylatyn qar kólemi azaıyp, qosymsha shyǵyndar artty. Abattandyrý qaǵıdalaryna sáıkes merdiger uıym «Jaıyq taza qala» JShS qar erigennen keıin qardy ýaqytsha jınaqtaý oryndaryn qoqystan tazartady, — delingen resmı jaýapta.

Jaıyq-Kaspıı basseındik ınspektsııasynyń Batys Qazaqstan oblysy boıynsha bólim basshysy Qanat Óteǵalıev bul jaǵdaıdyń jyl saıyn qaıtalanatynyn jetkizdi.

— Ótken jyly da QR Ákimshilik quqyq buzýshylyq kodeksiniń 358-babynyń talaptaryn buzý boıynsha aıyppul salynyp, polıgonǵa qar shyǵarý jumysy toqtatyldy. Jylda bolatyn aıqaı. Bıyl da naqtylaımyz. Zań boıynsha sý qorǵaý aýmaǵyn lastaýǵa jol berilmeıdi. Ekologııa departamentimen birlesip, qardyń quramyn zertteımiz. Eger zań buzylsa, qar tasyǵan kásiporyn men laýazymdy tulǵalar jaýapqa tartylady. Oqıǵa ornynda polıtsııa qyzmetkerleri júrdi. Olardyń da materıaly túskennen keıin ınspektsııalyq is-sharalardy atqaramyz, — dedi Q.Óteǵalıev.

Eske sala keteıik, budan buryn Oralda kósheden kúrelgen qardy nege qala ishine tógip júrgenin jazǵan edik.