Oralda toǵyz qabatty úı órtenip, 2 adam qaza tapty

ORAL. QazAqparat – Oral qalasynda 9 qabatty úı órtenip, 2 adam qaza tapty, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkendeı, oqıǵa 31 tamyz kúni Astana ýaqytymen saǵat 05.19-da H.Esenjanov kóshesi 1/1-mekenjaıynda boldy.

«Órt segizinshi qabattaǵy qosalqy úı-jaıdan bastalǵan. Órt sóndirýshilerdiń kúshimen 18 adam qutqaryldy. Oǵan qosa 27 adam evakýatsııalandy. Páterlerdiń birinen ýlaný belgilerimen 1973 jylǵy er adamnyń múrdesi tabyldy. 1979 jylǵy áıel jedel járdem kóliginde kóz jumdy. «Tilsiz jaý» saǵat 06.09-da oqshaýlanyp, 06.34-te tolyqtaı aýyzdyqtaldy. Qazirgi kezde oqıǵanyń sebep-saldary, kelgen shyǵyn anyqtalý ústinde» dep habarlady vedomstvodan.

Eske sala keteıik, budan buryn Oralda «Baǵdat» saýda úıinen órt shyqqanyn jazǵan edik.