Oralda tergeý ızolıatorynda 63 jastaǵy er adam kóz jumdy

Oral qalasynda tergeý ızolıatorynda 63 jastaǵy er adam kóz jumdy, dep habarlaıdy Kazinform.

BQO qylmystyq-atqarý júıesi departamentiniń baspasóz qyzmetinen málim etkendeı, er adam QR QK 99-baby 1-bóligine (kisi óltirý) sáıkes aıyptalyp, qamaýda ustalyp, kamerada otyrǵan.

«Ólimniń aldyn ala sebebi – mı tamyrlarynyń aterosklerozy. Naqty sebebi sot-medıtsınalyq saraptama qorytyndysy shyqqanan keıin anyqtalady», dep habarlady vedomstvodan.

BQO densaýlyq saqtaý basqarmasy baspasóz qyzmetiniń málimetinshe, medıtsına qyzmetkerleri túzetý mekemesinde 1960 jylǵy er adamnyń qaıtys bolǵanyn naqtylaǵan.

Eske sala keteıik, budan buryn Oral qalasynda 2 mln teńge bopsalaǵan turǵynnyń ustalǵanyn jazǵan bolatynbyz.