Oralda polıtsııa úsh kúnde 40-qa jýyq jol erejesin buzǵan kólik júrgizýshisin ustady

ORAL. KAZINFORM – Batys Qazaqstan oblysy aýmaǵynda jol qozǵalysy erejelerin qasaqana buzýshylyqtardyń jolyn kesý maqsatynda SuncarSmartQorgau júıesi keńinen qoldanylady.

Bul qurylǵynyń kómegimen Reseı Federatsııasynyń memlekettik nómiri kórsetilgen Mitsubishi Galant kóliginiń júrgizýshisi anyqtalyp, ustaldy.

«Ol úsh kúnde 39 ret jyldamdyq rejımin arttyrǵan. Aıyppuldyń jalpy somasy — 1 mln teńge.

Kólik arnaıy avtoturaqqa qoıyldy», — dep jazdy ІІM-nen.

Aıta keteıik, tekserý kezinde kóliktiń tehnıkalyq talaptarǵa saı emes ekeni jáne ózge de jol erejesin buzý faktileri anyqtaldy.