Oralda óz úıinde qarasora ósirgen er adam úsh jylǵa sottaldy

ORAL. KAZINFORM — Oral qalalyq sotynda D. degen er adamǵa qatysty qylmystyq iske núkte qoıyldy.

BQO sotynyń baspasóz qyzmetinen málim etkenindeı, oǵan QR QK 296-baby 2-bóligi, 300-baby 2-bóligi 3-tarmaǵyna (esirtki zattaryn zańsyz satyp alý, ótkizý maqsatynsyz saqtaý, sondaı-aq iri mólsherde, quramynda esirtki zattary bar ósirýge tyıym salynǵan ósimdikterdi ósirý) sáıkes aıyp taǵyldy.

Sotta anyqtalǵanyndaı, er adam ótken jyldyń qazan-qarasha aıynda marıhýana alý úshin qarasora tuqymyn satyp alǵan. Osy maqsatta ol óz páteriniń jatyn bólmesin paıdalanyp, arnaıy úı shkafyn jabdyqtady. Ósirýge tyıym salynǵan, quramynda esirtki zattary bar, tıisti ruqsaty joq egý jáne ósirý maqsatynda ol satyp alǵan esirtki zatyn baqsha kastrıýline 1 dana mólsherinde otyrǵyzdy. 

Sodan keıin ósimdiktiń japyraqtary men gúlshoǵyrlarynyń bir bóligin untaqtap, keptirip, esirtkige mas kúıinde 3 tamaq folgasyna jáne 1 qaǵaz oramǵa orap, ózi paıdalaný úshin saqtaǵan.

- Sottalýshy kinásin ishinara moıyndady. Sot ony kináli dep tanyp, 3 jylǵa bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteýge úkim kesti. Úkim zańdy kúshine engen joq, - dep habarlady vedomstvodan.

Eske sala keteıik, budan buryn BQO-da skýtermen jol erejesin buzǵan jasóspirimniń ata-anasynan 4 mln teńge óndirilgenin jazǵan bolatynbyz.