Oralda muǵalim jalǵan vaktsına pasportyn jasatty dep aıyptalyp otyr

ORAL. QazAqparat – Oralda muǵalim koronavırýsqa qarsy vaktsınany rastaıtyn tólqujatty qoldan jasatty degen kúdikke ilindi, dep habarlaıdy QazAqparat Moı gorod portalyna silteme jasap.

Batys Qazaqstan oblystyq polıtsııa departamenti baspasóz qyzmetiniń aqparatynsha, oblys ortalyǵy mektepteriniń birinde jumys isteıtin 37 jastaǵy muǵalim maýsymnyń 5-15 aralyǵynda COVID-19 vırýsyna qarsy vaktsına týraly jalǵan pasport jasatqan.

«Atalǵan fakti boıynsha QR Qylmystyq kodeksiniń 385-babymen (qujattardy jalǵan jasatý, daıyndaý nemese satý) sot aldyndaǵy tergep-tekserý jumystary bastaldy», - dep baıandady polıtsııa.

Bul rette tártip saqshylary jalǵan qujatqa dárigerlerdiń qatysynyń bar-joǵyn naqtylaǵan joq.