Oralda esirtki taratpaq bolǵan kúdikti ustaldy
ASTANA. KAZINFORM – Oral qalasy polıtsııa departamentiniń esirtki qylmysyna qarsy is-qımyl basqarmasy qyzmetkerleri júrgizgen jedel-izdestirý is-sharalary barysynda buryn múliktik jáne buzaqylyq qylmystary úshin birneshe ret sottalǵan, 29 jastaǵy qala turǵyny ustaldy.
Tekserý kezinde kúdiktiden aq tústi untaq tárizdi zat salynǵan, oqshaýlaý lentasymen oralǵan 13 túıinshek, Zip-paketteri men elektrondy tarazy tárkilendi.
Aldyn ala málimet boıynsha, kúdikti tárkilengen zatty jasyryn oryndarǵa qaldyryp, taratpaq bolǵan.
Atalǵan fakti boıynsha qylmystyq is qozǵaldy. Qazirgi ýaqytta tergeý amaldary júrgizilýde, onyń ishinde esirtki jetkizý arnalary men yqtımal sybaılastardy anyqtaýǵa baǵyttalǵan sharalar qolǵa alyndy.
Aıta ketelik Astanada esirtki jarnamasyn taratqan áıel sottaldy.