Oralda «Er – eldiń qorǵany» atty merekelik is-shara ótti
Saltanatty jıynda oblys ákimi Narıman Tóreǵalıev áskerı qyzmetshilerdi, barsha óńir jurtshylyǵyn Otan qorǵaýshy kúnimen quttyqtady.
«Memleket basshysy Qasym-Jomart Kemeluly Toqaevtyń tikeleı qoldaýy arqasynda Qarýly Kúshterimizdiń aıbary asyp, aıbyny asqaqtaı tústi. Búginde olar táýelsiz elimizdegi tynyshtyq pen turaqtylyqty saqtaýda ózine júktelgen mindetterdi abyroımen atqaryp, el eńsesin kóterýge bar kúsh-jigerin jumsaýda. Halqymyzda «Er – eliniń qorǵany» degen támsil bar. Batyr babamyz Baýyrjan Momyshulynyń «Otan úshin otqa tús, kúımeısiń!» degen sózderi el namysyn árqashan joǵary qoıdy. Otan úshin oqqa keýdesin tosqan babalarymyzdyń kózsiz erligin esten shyǵarmaı, beıbit ómirdi urpaqqa amanat etý – bizdiń perzenttik paryzymyz», degen óńir basshysy týǵan jeri men Otanyn qorǵaý – batyr babalarymyzdyń keıingi urpaqqa qaldyrǵan óshpes ósıeti, qasıetti dástúri ekendigin atap kórsetti.
Іs-shara barysynda oblys ákimi óz salasynda minsiz qyzmet atqaryp, qatarynyń aldy bolyp júrgen qyzmetkerlerdi marapattady.
Kontsertte «Er – eldiń qorǵany» atty kompozıtsııalyq shaǵyn qoıylym kórsetilip, patrıottyq taqyrypta ánder shyrqalyp, bı bılendi.
Eske sala keteıik, budan buryn BQO-da Jeńis kúnine oraı 5 myńnan astam adamǵa materıaldyq kómek kórsetilgenin jazǵan bolatynbyz.
