Oralda dámhanadaǵy órtten zardap shekken eki adam jansaqtaý bóliminde jatyr

Oral qalasynda «Arbat» dámhanasyndaǵy órtten zardap shekken eki adam jansaqtaý bóliminde jatyr, dep habarlaıdy Kazinform. 

BQO Densaýlyq saqtaý basqarmasynyń baspasóz qyzmetinen túsken málimetke qaraǵanda, dámhanadaǵy órtke baılanysty jedel járdem keshe saǵat 22.07-de shaqyryldy.

«Jedel járdem brıgadalary alty mınýttan keıin oqıǵa ornyna jetken. Jeńil dárejedegi gazdan ýlanǵan 17 jastaǵy qyz ben eki bozbala oblystyq kópbeıindi balalar aýrýhanasyna jetkizildi. Dárigerler qaraǵannan keıin úsheýi de ambýlatorııalyq em alýǵa jiberildi. 46 jáne 25 jastaǵy eki er adam qalalyq kópbeıindi aýrýhanaǵa jatqyzyldy. Jansaqtaý bóliminde jatqan olardyń jaǵdaıy aýyr», - dep habarlady vedomstvodan.

Eske sala keteıik, budan buryn Oralda «Arbat» dámhanasynda órt shyǵyp, bes adamnyń aýrýhanaǵa jetkizilgenin jazǵan bolatynbyz.