Oralda Baqytjan Buqarbaıdyń «Kúmis kitaby» oqyrmandaryna jol tartty

ORAL. QazAqparat - Jas saıasattanýshy Baqytjan Buqarbaı shyǵarmashylyq saparmen Oral qalasynda bolyp, J.Moldaǵalıev atyndaǵy oblystyq ǵylymı-ámbebap kitaphanasynda «Kúmis kitabynyń» tanystyrylymyn ótkizdi, dep habarlaıdy «QazAqparat» HAA tilshisi.

BQO ishki saıasat basqarmasynyń qoldaýymen uıymdastyrylǵan shara barysynda belgili aqyn, Qazaqstan Jazýshylar odaǵy BQO bólimshesiniń tóraıymy, halyqaralyq «Alash» syılyǵynyń ıegeri Aqushtap Baqtygereeva qazirgi jastardyń kitapqa bet buryp, tańdap, talǵap oqýy qajettigin aıtyp, avtorǵa aq batasyn berdi.

Buǵan deıin Astana, Almaty qalalarynda tanystyrylymy ótken «Kúmis kitapty» oraldyq oqyrmandar da jyly qabyldady. Olar kitap avtoryna saýaldaryn qoıyp, naqty jaýaptaryn aldy, óz yqylas-peıilderin de bildirdi.

«Aq Jaıyq jurtshylyǵyna alǵysym mol. Sapar barysynda kóptegen adamdarmen kezdesip, kitap oqý mádenıeti, áleýmettik jelini qoldana bilý, qazirgi jýrnalıstıkanyń jaı-kúıi, jastar saıasaty jáne basqa ózekti máseleler jóninde pikirlesip, jaqsy áser aldym. «Kúmis kitapty» jazýdaǵy oıym da jastar arasynda kitap oqý mádenıetin qalyptastyrý edi. Kóp oqyǵan adamnyń moıny ozyq, sezimi sergek, sanasy joǵary, tabys-jetistikteri mol  bolady. Kitap týraly qandaı ma bolsyn pikir qundy. Eń bastysy, jastardyń oıynan shyǵa bilsem, maqsatymnyń oryndalǵany», dedi Baqytjan Buqarbaı.