Oralda avtokólik órtenip, júrgizýshi kúıip qaldy

ORAL. KAZINFORM – Oral qalasynda avtokólik órtenip ketti.

BQO TJ departamentiniń baspasóz qyzmetinen málim etkenindeı, oqıǵa 31 jeltoqsan kúni Zachagan kentinde boldy.

- Jáńgir han kóshesi 35/2-mekenjaıynda «Berkýt» avtogaz quıý stantsııasy aýmaǵynda Kia Rio avtokóligi otqa orandy. Órt saǵat 15.21-de oqshaýlanyp, 15.28-de sóndirildi. Oqıǵa ornyna 12 adam 3 tehnıkamen bardy. Zardap shekken júrgizýshi aýrýhanaǵa jetkizildi, - dep habarlady vedomstvodan.

BQO Densaýlyq saqtaý basqarmasy baspasóz qyzmetiniń naqtylaýynsha, denesiniń 20 paıyzyn kúıik shalǵan 1987 jylǵy er adam qalalyq kópbeıindi aýrýhananyń polıtravma bólimshesine jatqyzyldy. Jaǵdaıy ortasha dárejede aýyr. Qajetti emin alyp jatyr.

Eske sala keteıik, budan buryn Oralda órt qaýipsizdigi talaptaryn buzǵan kompanııaǵa aıyppul salynǵanyn jazǵan bolatynbyz.