Oralda asa iri kólemde esirtki tasymaldaǵan 19 jastaǵy qyz ustaldy

ORAL. QazAqparat – Oralda asa iri kólemde esirtki tasymaldaǵan 19 jastaǵy qyz ustaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, odan quramynda esirtki bar preparattar tárkilendi.

Qazirgi kezde tergeý oblys aýmaǵyna sıntetıkalyq esirtkilerdi jetkizý arnalaryn anyqtaý ústinde.

«Esirtkini zańsyz taratý deregi boıynsha 2003 jylǵy qyz qolǵa tústi. Tintý is-sharalary kezinde ustalǵan kúdiktiniń ornynan jalpy salmaǵy 4,37 gramm 6 paketke jáne salmaǵy 26,92 gramm 40 paketke salynǵan zattar alyndy. Sarapshy qorytyndysyna sáıkes bul sıntetıkalyq esirtki – mefedron bolyp shyqty. Alynǵan zattar mólsheri asa iri kólemde retinde aıqyndaldy. Osy derek boıynsha QR QK 297-baby 1-bóligine (esirtki zattaryn zańsyz satyp alý, saqtaý, ótkizý maqsatynda tasymaldaý) sáıkes sotqa deıingi tergeý amaldary júrgizilýde. Bul bap boıynsha aıypty dep tanylǵan adam múlki tárkilenip, 5 jyldan 10 jylǵa deıingi merzimge bas bostandyǵynan aıyrylady», dep habarlady vedomstvodan.

Eske sala keteıik, budan buryn Oralda dárihanada zańsyz qyzmet áshkereleni, 700 myń teńgeniń taýary tárkilengenin jazǵan bolatynbyz.