01:00, 22 Qazan 2023 | GMT +5
Oralda «Arbat» dámhanasy órtenip, 5 adam aýrýhanaǵa jetkizildi
Oral qalasynda «Arbat» dámhanasy órtenip, 5 adam aýrýhanaǵa jetkizildi, dep habarlaıdy Kazinform.
BQO TJ departamentiniń baspasóz qyzmetinen málim etkenindeı, oqıǵa 21 qazan kúni Zachagan kenti M.Móńkeuly kóshesi boıynda boldy.
«Saǵat 22.05-te «Arbat» dámhanasynan órt shyqty. Asúı bólmesinde shamamen 20 sharshy metr aýmaqta asúı jabdyǵy men benzın generatory janǵan. Saldarynan 5 adam zardap shegip, aýrýhanaǵa jetkizildi. «Tilsiz jaý» saǵat 22.40-ta oqshaýlanyp, 22.46-da aýyzdyqtaldy. Oqıǵa ornynda BQO TJ departamentiniń jeke quramynan 49 adam 15 tehnıkamen jumys jasady», dep habarlady vedomstvodan.
Qazirgi kezde órttiń shyǵý sebebi, keltirilgen shyǵyn anyqtalý ústinde.
