Oralda aqyn Darıǵa Nurashevanyń «Óleń - ómir gúlzary» atty jyr keshi ótti
Aqsaı qalasynda turatyn Darıǵa Nurasheva Bórli aýdandyq ortalyqtandyrylǵan kitaphana júıesiniń dırektory qyzmetin jemisti atqarýmen birge óleń ólkesinde de óz orny bar ekendigin dáleldep keledi. Ádebı ortadan jyraqtaý bolǵanmen, shyǵarmashylyqpen aınalysýdy toqtatqan emes. Jyrlary syrshyl keletin aqyn bul joly da oqyrmandaryna jańa týyndylaryn usynyp, túrli saýaldaryna jaýap berdi.
Kesh barysynda aıtysker aqyn Jarqynbek Shyntaev nıetin jyrmen jetkizse, Qadyr ortalyǵynyń dırektory Baýyrjan Halıolla izgi tilegin bildirdi. Sondaı-aq Bórli aýdany ákiminiń orynbasary Jańabaı Qanalın, fılolog-ǵalym Bolat Jeksenǵalıev, ekonomıka ǵylymdarynyń kandıdaty Áskerǵalı Shamǵonov Darıǵanyń aqyndyǵymen qatar adamı kelbeti, urpaq tárbıeleýdegi eńbegi jaıynda óz oılaryn qosty. Sonymen qatar oblysta shyǵarmashylyq saparmen júrgen aqyn, Qazaqstannyń eńbek sińirgen qaıratkeri Qasymhan Begmanov qaryndasyna aqjarma tilegin aıtty.
Óleńniń abyroıyn asqaqtatqan kesh ádemi áýendermen kórkemdele tústi.
«Meni qurmettep, keshime kelgenderdiń bárine rızashylyǵymdy bildiremin. Osyndaı sharalardan keıin bir serpilip, shabyt kelip, odan saıyn qanat bitkendeı bolady», dedi Darıǵa Nurasheva.
