Oralda «Aqyldy qala» keshendi jobasy bastaý aldy
Qazaqstan ǵana emes, Fınlıandııa, Frantsııa, Avstrııa jáne Reseı elderinen kompanııalar ókilderi men sarapshy-mamandar kelgen jıynda Batys Qazaqstan oblysynyń ákimi Altaı Kólginovtiń atap ótkenindeı, jahandaný talaptaryna sáıkes úzdiksiz júrip jatqan jańarý úderisterine ilesýdiń, damýdyń jańa kezeńine qadam basýdyń birden-bir joly - jańǵyrtý.
Elbasy Nursultan Nazarbaev bıylǵy Joldaýynda: «Birinshi basymdyq - ekonomıkanyń jedeldetilgen tehnologııalyq jańǵyrtylýy. Biz tsıfrlyq tehnologııany qoldaný arqyly qurylatyn jańa ındýstrııalardy órkendetýge tıispiz. Bul - mańyzdy keshendi mindet», dep atap kórsetken bolatyn.
«Osy tapsyrmaǵa sáıkes densaýlyq saqtaý salasynda tsıfrlyq qyzmet kórsetýdi bastadyq. Qazirgi tańda Oral qalasynyń turǵyndary densaýlyq saqtaý mekemelerinde elektrondy keshendi qyzmetti (elektrondy kezek, elektrondy baza jáne málimetter) paıdalanýda. Endi bilim, onlaın saýda isi sııaqty salalarǵa kezek kelmek. Mysaly, bilim berý salasyna tsıfrlyq qyzmetterdi engizý boıynsha elektrondy oqytý resýrstary kómegimen alys eldi mekenderde ornalasqan mektepterdiń oqýshylary fızıka, hımııa, bıologııa, matematıka sııaqty pánder boıynsha tsıfrlyq zerthanalarmen jumys isteıdi. Bıyl 200 mektepte osy jańa ınnovatsııalyq júıe iske qosylady.
Oral qalasynda «Smart city - Aqyldy qala» atty jańa keshendi joba jasaqtalýda. Munyń basty maqsaty - turǵyndar ómiriniń qaýipsizdigin qamtamasyz etý, sonymen qatar qoǵamdyq tártip pen jol erejelerin saqtaý, qorshaǵan ortany qorǵaý. Osyǵan oraı uıymdastyrylyp otyrǵan «Smart citi - 2017» forýmyna sarapshy retinde Eýropada eki márte úzdik atanǵan «Aqyldy qala» jobasynyń operatory «Bıznes Oýlý» fın kompanııasynyń ókilderi shaqyrylyp, pikir almastyq. Mysaly, olardyń «Jedel járdem» kóligine engizgen baǵdarlamasy qyzyqtyrdy. ıAǵnı atalmysh kólik kele jatqanda, barlyq baǵdarshamda jasyl sham janyp turady. Sol sekildi qýat únemdeý baǵytynda qaladaǵy jylytý júıesin jańalaý, qoǵamdyq kólikti damytý, qylmysty, jol-kólik oqıǵalaryn baqylaý úshin beınekameralar ornatý syndy birneshe jobany memlekettik-jekemenshik áriptestik arqyly qolǵa alý oılastyrylýda.
Aıtalyq, Oral qalasynda «Sergek» kompanııasy memlekettik-jekemenshik áriptestik negizinde 200 beınekamerany ornatýǵa kiristi. Taǵy 100 kamera shahar bıýdjeti esebinen qamtamasyz etilmek. «2GIS» jobasyna sáıkes smartfondar men planshetterge salynatyn elektrondy qosymshalar arqyly turǵyndar avtobýstyń qaıda kele jatqanyn bilip, qaladaǵy nysandardyń mekenjaıyn taba alady. Qala kósheleri men aýlalaryn qazirgi zamanǵy talaptarǵa sáıkes jaryqtandyrý da josparda. Medıtsına mekemelerinde elektrondy kezek pen aqparattyq júıeni engizý jumysy jalǵasady. Munyń barlyǵy aldaǵy tórt-bes jylǵa eseptelgen. Bári de turǵyndardyń qamy úshin, qaýipsizdigi úshin. Eń bastysy, álemdik úzdik tehnologııalardy paıdalana bilýge tıispiz», dedi oblys basshysy.
«Bıznes Oýlý» fın kompanııasynyń dırektory Djýha Ala-Mýrsýla aqyldy qala sanalatyn Oýlýda júzege asyrylǵan jobalar jóninde áńgimelep berdi. 
«Mundaı jobalardyń qolǵa alynǵanyna jıyrma jyl boldy. Osy merzim ishinde qatelikter de bolmaı qalǵan joq. ıAǵnı qarjynyń ózin-ózi aqtamaǵan jobaǵa salynǵan da kezi de boldy. Sondyqtan oraldyqtar mundaı qatelikterge urynbas úshin biz qoldan kelgen kómegimizdi kórsetýge, birlesken jobalardy qolǵa alýǵa daıynbyz. Sonymen qatar Astanada ótetin «EKSPO - 2017» halyqaralyq kórmesine de qatysyp, óz ónimderimizdi usynamyz», dedi ol.
Jıynda sondaı-aq «Sergek» kompanııasy kommertsııalyq bóliminiń jetekshisi Dmıtrıı Lıhachev, «Astana Innovations» AQ ınnovatsııalyq jobalardy júzege asyrý departamentiniń dırektory Baqtııar Hákim jáne basqalar tyń jobalarmen tanystyryp, usynys-pikirlerin ortaǵa saldy.
