Oralda «Adal qoǵam» respýblıkalyq baıqaýy ótti

ASTANA. KAZINFORM – Oral qalasynda «Zań jáne tártip» qaǵıdatyn jan-jaqty nyǵaıtý, qoǵamda sybaılas jemqorlyqqa qarsy mádenıetti qalyptastyrý, sondaı-aq adaldyq pen ádildik qaǵıdattaryn nasıhattaý maqsatynda TikTok platformasynda «Adal qoǵam» respýblıkalyq baıqaýy ótti.

Оралда «Адал қоғам» республикалық байқауы өтті
Фото: Орал қалалық ішкі саясат бөлімі

Atalǵan baıqaýdy Oral qalasy ishki saıasat bólimi men Sybaılas jemqorlyqqa qarsy is-qımyl agenttiginiń Batys Qazaqstan oblysy boıynsha departamenti birlesip, memlekettik áleýmettik tapsyrysy aıasynda uıymdastyrdy.

Oralda «Adal qoǵam» respýblıkalyq baıqaýy ótti
Foto: Oral qalalyq ishki saıasat bólimi

Baıqaýdyń basty maqsaty — azamattyq belsendilikti arttyrý, jastar arasynda jemqorlyqqa qarsy mádenıetti qalyptastyrý jáne adaldyq qundylyqtaryn keńinen nasıhattaý.

Baıqaýǵa qatysý úshin ótinimder TikTok platformasynda 2025 jyldyń 14 aqpany men 14 naýryzy aralyǵynda qabyldandy. Elimizdiń túkpir-túkpirinen 100-den astam qatysýshy jumystaryn joldap, olardyń arasynan baıqaý komıssııasy 30 taqyryptyq beınerolıkti iriktep aldy.

Oralda «Adal qoǵam» respýblıkalyq baıqaýy ótti
Foto: Oral qalalyq ishki saıasat bólimi

Komıssııa músheleri shyǵarmashylyq, mazmun, taqyrypqa saı kelý jáne kórkemdik talaptar boıynsha úzdik jumystardy saraptap, jeńimpaz úsh beınerolıkti anyqtady.

Jeńimpazdar turmystyq tehnıka alýǵa arnalǵan sertıfıkattarmen marapattaldy. Sonymen qatar, baıqaýǵa belsene qatysqan birqatar azamattarǵa alǵys hattar tabystaldy.

Baıqaý jastardyń áleýmettik jelidegi belsendiligin paıdaly arnaǵa baǵyttap, qoǵamda adaldyq pen parasattylyqty dáripteýdiń tıimdi quralyna aınaldy.

Aıta keteıik, oraldyq turǵyndar týrıstik fırmadan 5 mln teńge óndirip aldy.

Сейчас читают