Oralda 85 jastaǵy keıýanany uryp-soǵyp, tonap ketti

Oralda 85 jastaǵy keıýananyń úıine basyp kirip, tonaǵan kúdikti ustaldy, dep habarlaıdy Kazinform.

BQO polıtsııa departamentiniń baspasóz qyzmetinen málim etkendeı, 26 qazan kúni shamamen saǵat 11.30-da belgisiz bireý 1938 jylǵy zeınetkerdiń úıiniń esigin qaqqan.

Esikti ashqan keıýanaǵa birneshe soqqy jumsaǵan.

Sodan keıin úıden jábirlenýshiniń qyzyna tıesili 720 myń Reseı rýblin (5 myńdyq kýpıýralar) jymqyryp ketken.

Kelgen zalal kólemi – 3,5 mln teńge.

«Qylmystyń oryn alǵany týraly aqparat túsisimen polıtsııa qyzmetkerleri oqıǵa ornyna dereý jetti. Arnaıy jedel izdestirý is-sharalary nátıjesinde Oral qalasynyń 1991 jylǵy turǵyny anyqtalyp, qolǵa tústi. Tekserý barysynda onyń buryn alaıaqtyq, urlyq jáne tonaýǵa qatysty qylmystyq jaýapkershilikke tartylǵany belgili boldy. Urlanǵan aqsha jartylaı tárkilendi. Ustalǵan kúdikti Oral qalasy polıtsııa basqarmasynyń ýaqytsha ustaý ızolıatoryna qamaýǵa alyndy. Atalǵan derek boıynsha QR QK 192-baby 3-bóligine (qaraqshylyq) sáıkes sotqa deıingi tergeý amaldary júrgizilýde», dep habarlady vedomstvodan.

Eske sala keteıik, budan buryn BQO-da qylmystyq toptan 1,5 tonna bekire balyǵy tárkilengenin jazǵan edik.