Oral qalasynda sý kestemen beriledi

ORAL. QazAqparat - Oral qalasynda sý kestemen beriledi, dep habarlaıdy QazAqparat tilshisi.

Oral qalasy ákiminiń baspasóz qyzmetinen túsken málimetke qaraǵanda, shahardaǵy káriz kollektorlarynyń erigen sýǵa tolýyna baılanysty 10 naýryz kúni saǵat 20.00-den bastap qala boıynsha sý berý ýaqytsha toqtatyldy.

«Sonymen qatar turǵynjaılardy sarqyndy jáne erigen sý basý qaýpi týyndady. Soǵan oraı qalada sý berý kestemen beriledi: 07.00-den 09.00-ge deıin, 12.00 - 14.00 jáne 18.00 - 20.00. Jaǵdaı qalypqa kelgen kezde sý berý shtattyq rejımde júrgiziletin bolady», dep habarlady vedomstvodan.

Eske sala keteıik, budan buryn sý tasqynyna baılanysty Batys Qazaqstan oblysynda 138 eldi meken erekshe baqylaýǵa alynǵanyn jazǵan bolatynbyz.

Sondaı-aq BQO-da 2 myńnan asa turǵyn úıi aýyz sýsyz qalǵan aýylda tótenshe jaǵdaı jarııalandy.