Oral qalasynyń ortalyǵynan er adamnyń múrdesi tabyldy

ORAL. KAZINFORM - Oral qalasy ortalyǵynda er adamnyń múrdesi tabyldy.

BQO Polıtsııa departamentiniń baspasóz qyzmetinen málim etkendeı, oqıǵa 15 sáýir kúni keshkisin bolǵan.

«Shamamen saǵat 19.20-da Aqotaý kóshesi 20-úıdiń mańynda, 8 jáne 25-orta mektepterdiń arasynda er adamnyń denesi tabylǵan. Qazirgi kezde oqıǵanyń mán-jaıy anyqtalý ústinde. Tergeý amaldary júrgizilip jatyr», - dep habarlady vedomstvodan.

Er adamnyń ólimine baılanysty basy joq eken degen sóz taraǵan. BQO polıtsııa departamenti onyń basy ornynda ekenin jetkizdi.

Eske sala keteıik, budan buryn Oralda jasóspirimniń asýly kúıinde tabylǵanyn jazǵan bolatynbyz.