Oral qalasynda Jaıyqtaǵy sý deńgeıi qaýipti shekten asyp ketti

ORAL. KAZINFORM — Oral qalasynda Jaıyq ózenindegi sý deńgeıi 852 santımetrge jetti.

«Qazgıdromet» RMK BQO fılıalynyń 21 sáýir tańǵy saǵat 08.00-degi málimetine qaraǵanda, ózen deńgeıi oblys ortalyǵyndaǵy gıdrobekette bir táýlikte 24 santımetrge kóterilip, qaýipti shekten (850 sm) asyp ketti.

Báıterek aýdany ıAnvartsev aýyly tusynda 902 (+3, qaýipti shegi – 1 250 sm), Kóshimde 833 (+29, 850 sm), Taıpaqta 514 (+10) santımetrdi kórsetti.

Sondaı-aq Kóshim kanalyndaǵy sý deńgeıi 824 santımetrge (+11, qaýipti shegi – 800 sm) jetti.
Shaǵan ózeni deńgeıi Chývashın aýylynda 731 (+18, qaýipti shegi – 1 300 sm) santımetr boldy.
Báıterek aýdany Rýbejka ózeni deńgeıi 946 sm (+3) bolyp, qaýipti shekke (1 myń sm) jaqyndady.
Eske sala keteıik, budan buryn Oral qalasynda qosymsha evakýatsııa pýnktteriniń tizimi jarııalanǵanyn jazǵan bolatynbyz.