Oral qalasynda Jaıyq ózeniniń sý deńgeıi 838 sm boldy

ORAL. KAZINFORM — «Qazsýshar» mekemesiniń Batys Qazaqstan fılıalynyń mamandary tasqyn sýyn qaýipsiz ótkizý is-sharalaryn atqaryp jatyr. Oral-Kóshim sýarý-sýlandyrý júıesiniń 4 sý qoımasyna sý jınalyp jatyr.  

Búgingi kúnge sý qoımalaryna 232 mln tekshe metr sý jınaldy, bul jalpy kólemniń 89,1%-y.

Kishi Ózen boıyndaǵy tórt sý qoımasy 92% toldy, bul — 102,5 mln tekshe metr sý. 

Úlken Ózen boıyndaǵy úsh sý qoımasynda 69,2 mln tekshe metr sý jınaldy, bul — jalpy kólemniń 66%-y. 

Úlken jáne Kishi Ózen ózenderindegi sý tasqyny aıaqtaldy, tasqyn kezinde barlyǵy 428 mıllıon tekshe metr sý keldi.

Oral qalasyndaǵy Jaıyq ózeniniń deńgeıi — 838 sm, ol bir táýlikte 8 sm tómendedi.

BQO Báıterek aýdany Chývashınskoe kentindegi Shaǵan ózeniniń deńgeıi — 719 sm, Beles kentindegi Derqul ózeniniń deńgeıi — 215 sm.

«Qazsýshar» mamandary Reseı Federatsııasynyń Orynbor jáne Saratov oblystarynyń sý qyzmetterimen turaqty aqparat almasyp otyr.