Oral qalasynda saıajaı turǵyndaryn kóshirý bastaldy
ORAL. KAZINFORM – Shaǵan jáne Derkól ózenderinde sý deńgeıi kóterilip, qaýip tónýine baılanysty Oralda saıajaı turǵyndaryn kóshirý bastaldy.
Oral qalasy ákimdiginen málim etkenindeı, oblys ortalyǵynda evakýatsııalyq pýnktter úshin 8 oryn anyqtalsa, sonyń 5-eýi tolyq jasaqtalǵan. Qazirgi kezde turǵyndar evakýatsııalyq pýnktterge ornalasyp jatyr. Qala mańyndaǵy saıajaılar aýmaqtarynda 20 myńnan astam adam turady.
Oral qalasy TJ basqarmasynyń málimetine sáıkes, birinshi kezekte Mashtakov, ıAgodka, Úmitker baý-baqsha seriktestigi turǵyndary evakýatsııalanady. Suraqtar týyndaǵan jaǵdaıda qalalyq shtabqa 8-711-2-24-05-70 jáne 8-711-2-24-01-94 telefon nómirleri arqyly habarlasýǵa bolady.
Sonymen qatar BQO TJ departamentiniń baspasóz qyzmeti sý tasqynyna baılanysty psıhologtardyń evakýatsııalyq pýnktterde zardap shekken turǵyndarǵa shuǵyl kómek kórsetip jatqanyn jetkizdi. Psıhologııalyq jáne aqparattyq qoldaý kórsetý maqsatynda qaýyrt jeli telefony jumys isteıdi – 8(7112) 554088.
Departamenttiń sońǵy málimeti boıynsha Bórli aýdany Araltal aýylynda 9 turǵyn úıge sý kirip, 27 adam Aqsaı qalasyna evakýatsııalanǵan. Sý tasqyny zardaptaryn joıýǵa BQO jáne Mańǵystaý oblysy TJD jeke quramy, oǵan qosa jergilikti atqarýshy organdar jumyldyryldy.
Eske sala keteıik, budan buryn Batys Qazaqstanda taǵy bir aýyl turǵyndaryn evakýatsııalaý júrgizilip jatqanyn jazǵan bolatynbyz. Sondaı-aq BQO-da muzdaı sý keshken qutqarýshy qashanda elmen birge ekeni týraly aıtty. Polıtseı sýda qalǵan turǵyndardy qaıyqpen tasymaldaǵandaryn jetkizdi.
