12:36, 07 Aqpan 2024 | GMT +6
Oral qalasyndaǵy «Aıaz» saýda úıinen órt shyqty
ORAL. KAZINFORM – Oral qalasynda «Aıaz»» saýda úıi órtendi.
BQO TJ departamentiniń baspasóz qyzmetinen málim etkenindeı, oqıǵa 7 aqpan kúni Qurmanǵazy kóshesi 127/1-mekenjaıynda boldy.
«Saǵat 07.05-te bir qabatty «Aıaz» saýda úıinde aýmaǵy 30 sharshy metr materıaldyq zattar, tóbe jaqtaýlary otqa orandy. Sondaı-aq aýmaǵy 10 sharshy metr ishinara shatyr ishin jalyn sharpydy. Zardap shekkender joq. «Tilsiz jaý» saǵat 08.04-te oqshaýlanyp, 09.40-ta aýyzdyqtaldy. Órtti sóndirýge jeke quramnan 46 adam, 15 tehnıka, sondaı-aq apattar medıtsınasy ortalyǵynan 3 adam, 1 tehnıka atsalysty. Qazirgi kezde órttiń shyǵý sebebi, keltirilgen shyǵyn anyqtalý ústinde. Atalmysh saýda úıiniń jalpy aýdany – shamamen 800 sharshy metr», dep habarlady vedomstvodan.
