Oral qalasy tusynda Jaıyq ózenindegi sý deńgeıi 7 metrden asty
ORAL. KAZINFORM — Jaıyq ózenindegi sý deńgeıi Oral qalasyndaǵy gıdrobekette bir táýlikte 9 santımetrge kóterilip, 703 santımetrge (qaýipti shegi – 850 sm) jetti.
«Qazgıdromet» RMK BQO fılıalynyń dırektory Tilegen Shapanovtyń 8 sáýir kúngi saǵat 08.00-degi málimeti boıynsha Jaıyqtaǵy sý deńgeıi ıAnvartsev aýyly tusynda 777 (+10, qaýipti deńgeıi – 1250 sm), Kóshimde 651, (+17, 850 sm), Taıpaqta 343 (+38, 850 sm) santımetrdi kórsetti.
Sondaı-aq Kóshim kanalynda 752 (+19, 800 sm), Rýbejka ózeninde 760 santımetr (+26, 1 myń sm) boldy.
Oblystyń qalǵan ózeninde sý deńgeıiniń túsýi baıqalady. Sonyń ishinde Jaıyqqa quıatyn Shaǵan ózeni Chývashın aýyly tusynda bir táýlikte 35 santımetrge (1 274, qaýipti shegi – 1 300) tómendedi.
BQO TJ departamentiniń aǵa ınjeneri Nurjan Tóleýish qazirgi kezde qar sýynan qaýip joqtyǵyn, basty nazar Jaıyq, Shaǵan ózenderi jaıylmalarynda ornalasqan saıajaılarǵa aýdarylyp otyrǵanyn jetkizdi.
«Saıajaılarda turatyn turǵyndardy aldyn ala evakýatsııalaý jumystary júrgiziledi. Sondaı-aq Oral qalasy, Bórli, Terekti jáne Báıterek aýdandarynda Jaıyq ózeni jaǵalaýyndaǵy bógetter nyǵaıtylýda. Oblys boıynsha sý tasqyny bastalǵannan beri barlyǵy 7 048 adam kóshirilse, qazirgi kezde 161 evakýatsııalyq pýnktte 1 500-den astam turǵyn ornalastyrylǵan», - dedi N. Tóleýish.
Eske sala keteıik, budan buryn Oralda Jaıyq jaǵasyndaǵy bógetterdi bıiktetý jumystary júrgizilip jatyrǵanyn jazǵan bolatynbyz.
Sondaı-aq Nurlan Baıbazarov Jaıyq ózenindegi sýdyń kóterilýi 94 eldi mekenge qaýip tóndiretinin aıtty.
