Oral áýejaıyna qar tazalaıtyn jańa tehnıka alyndy

M.Mámetova atyndaǵy Oral halyqaralyq áýejaıyna qardan tazalaıtyn jańa tehnıka alyndy, dep habarlaıdy Kazinform.

«Oral halyqaralyq áýejaıy» JShS baspasóz hatshysy Aınagúl Saqposynovanyń málim etkenindeı, eki arnaıy BOSCHUNG BJB8000 áýeaılaq mashınasy saǵatyna 50 km jyldamdyqpen qar jınaıdy.

«Mashınalar eni 6,3 metr qarly qaıyrmamen jáne eni 4 metr şetkamen jabdyqtalǵan. Endi áýejaıda áýeaılaqty qysqy kútip ustaý úshin 15 arnaıy tehnıka paıdalanylady. BOSCHUNG BJB8000 mashınalary jumys sapasyn jaqsartýǵa jáne qolaısyz aýa raıy kezinde qar tazalaý ýaqytyn qysqartýǵa septesedi. Bul tehnıkalar áýeaılaqty sońǵy kúnderi jaýǵan qardan tazartýǵa atsalysty. Sonyń nátıjesinde áýejaı ushaqtardy qabyldaýdy toqtatqan joq. Jaqyn arada áýejaıda ushaqtarǵa qyzmet kórsetetin jańa tehnıka iske qosylady», deıdi A.Saqposynova.

Eske sala keteıik, budan buryn Oral qalasyna keletin ushaqtar keshigip jatqanyn jazǵan bolatynbyz.