OPEK+ munaı óndirý kólemin tamyzda ulǵaıtady
ASTANA. KAZINFORM – OPEK+ uıymynyń 8 eli munaı óndirý kólemin tamyz aıynda táýligine 548 barrelge deıin ulǵaıtýdy kózdep otyr. Bul týraly uıymnyń saıtynan málim boldy.

- Turaqty álemdik ekonomıkalyq perspektıvalar men munaı qorynyń tómendigin kórsetip otyrǵan aǵymdaǵy naryq jaǵdaıy aıasynda uıymǵa múshe 8 memleket óndirý kólemine túzetý engizip, 2025 jyldyń tamyzynan bastap shilde aıymen salystyrǵanda táýligine 548 myń barrel óndiretin bolady. Bul bıylǵy kóktemde kelisilgen mejeniń 4 aıǵy ósimine teń keledi, - delingen habarlamada.
Óndirý kólemin ulǵaıtý alıansqa múshe – Saýd Arabııasy, Birikken Arab Ámirlikteri, Kýveıt, Oman, Irak, Qazaqstan, Aljır men Reseı sııaqty 8 memleket tarapynan qamtamsyz etiledi.
Sondaı-aq habarlamada kelisile otyryp jasalǵan atalǵan ulǵaıtý sharasy osynyń aldyndaǵy aılarmen salystyrǵanda óndirýdi jedeldetetini aıtylǵan.
Mamyr, maýsym men shildede alıans táýligine 411 000 barrelden qosa otyryp, qara altyn baǵasynyń túsýine qaramastan munaı óndirý kólemin ulǵaıtý jónindegi jospardy asyryp jiberdi.
OPEK ulǵaıtý kórsetkishi turaqtylyqty qamtamasyz etý úshin naryqtaǵy ózgeriske qaraı ózgertilýi múmkin ekenin eskertti.
Sonymen qatar kvotany ósirý uıymǵa múshe memleketterge ótemaqy tóleýdi jedeldetýge múmkindik týdyrady.
Qyrkúıek aıynda munaı óndirý kólemin belgileıtin kezdesý 3 tamyzǵa josparlanyp otyr.
Búginde OPEK+ álemde óndiriletin jalpy munaı qorynyń 50 aıyzyn qamtamasyz etip otyr.
Osyǵan deıin OPEK uıymynyń álem boıynsha munaıǵa degen suranysqa qatysty boljamdy ózgerissiz qaldyrǵanyn jazdyq.