OPEK+ elderi sáýirden munaı óndirý kólemin arttyrýǵa ýaǵdalasty

ASTANA. KAZINFORM – Buǵan deıin munaı óndirý erikti túrde qysqartylatyn málimdegen OPEK+ 8 eli jahandyq naryqtyń jaı-kúıi men onyń damý keleshegin talqylaý úshin onlaı kezdesý ótkizdi.

OPEK aqparatyna qaraǵanda, Saýd Arabııa, Reseı, Irak, BAÁ, Kýveıt, Qazaqstan, Aljır jáne Oman buǵan deıin josparlanǵandaı, sáýirden bastap munaı óndirý kólemin birtindep ulǵaıta bastaıdy.

— Naryqtaǵy turaqty irgeli kórsetkishterdi jáne onyń oń boljamyn eskere otyryp, olar 2024 jyldyń 5 jeltoqsanynda qabyldanǵan ózgermeli jaǵdaıǵa beıimdelý múmkindikterin eskere otyryp, 2025 jyldyń 1 sáýirinen bastap erikti túrde qysqartylǵan táýligine 2,2 mln barrel kólemge birtindep ári ıkemdi oralýǵa kirisý sheshimin rastady, — delingen habarlamada.

Taratylǵan málimetke qaraǵanda, taraptar 2024 jyldyń 3 sáýirinde Birlesken mınıstrlik monıtorıng komıtetiniń 53-otyrysynda kelisilgen munaıdy erikti túrde qosymsha qysqartýdy tolyqtaı saqtaýǵa nıetti ekendigin qýattady. Sonymen qatar olar ótem josparyna sáıkes, 2024 jyldyń qańtarynan kez kelgen artyq kólemdi olardyń oryndalýyn 2026 jyldyń maýsymynda qamtamasyz ete otyryp, tolyqtaı óteýge nıetti ekendikterin rastady. 

— Artyq óndirý kólemi bar elder ótem kezeńiniń alǵashqy aılarynda basym bóligi ótelýi úshin ózderiniń ótemge qatysty mindettemelerin oryndaýdy jedeldetýge kelisti, — delingen OPEK habarlamasynda.

2024 jyldyń aıaǵynda Qazaqstan OPEK+ aıasyndaǵy artyq óndiristi óteý merzimin uzartqany habarlanǵan. Osyǵan oraı Energetıka mınıstrligindegiler Kazinform tilshisine bul sheshim eldiń munaı óndirý naryǵyna qalaı áser etetinin aıtty.