Ońtústik Koreıanyń burynǵy prezıdentiniń qamaý merzimi taǵy uzartyldy

ASTANA. KAZINFORM — Seýl soty juma kúni Ońtústik Koreıanyń burynǵy prezıdenti ıÝn Sok Eldi qamaýda ustaý merzimin taǵy alty aıǵa uzartty, dep habarlaıdy Yonhap.

Agenttik málimetinshe, eks-prezıdenttiń qamaýda otyrý merzimi 18 qańtarda aıaqtalýy tıis bolǵan. Alaıda sot dáleldemelerdiń joıylý qaýpi bar dep sheship, qamaý merzimin uzartýdy jón kórgen.

Arnaıy prokýrorlar toby ıÝn Sok Elge jańa aıyp taqty. Tergeý deregine sáıkes, ol Soltústik Koreıany arandatý maqsatynda drondar qoldanylǵan operatsııany uıymdastyrǵan.

Arnaıy prokýror Cho Yn Soktyń aıtýynsha, burynǵy prezıdent bul jaǵdaıdy 2024 jyldyń jeltoqsanynda áskerı jaǵdaı engizýge syltaý retinde paıdalanǵan.

ıÝn Sok Eldiń Qorǵanys mınıstrligin jáne Birikken shtabtar komıtetin habardar etpesten, drondardy KHDR aýmaǵyna jiberý týraly tikeleı buıryq bergen dep aıyptalyp otyr.

Eske salaıyq, eks-prezıdentke 2024 jylǵy jeltoqsanda qysqa merzimge áskerı jaǵdaı engizý arqyly búlik uıymdastyrdy jáne bıligin asyra paıdalandy degen aıyp taǵylǵan.

ıÝn Sok El shilde aıynan beri qamaýda, ol sol kezde áskerı jaǵdaıǵa baılanysty iste **ekinshi ret tutqyndalǵan bolatyn.

ıÝn Sok El shilde aıynan beri qamaýda otyr. Ol jeltoqsanda áskerı jaǵdaıdy sátsiz engizýge baılanysty aıyptar boıynsha ekinshi ret tutqyndalǵan.

Sonymen qatar saıasatkerdiń jubaıy, Ońtústik Koreıanyń burynǵy birinshi hanymy Kım Kon Hı de 12 tamyzdan beri qamaýda otyr. Oǵan aktsııa baǵalaryn qoldan kóterý boıynsha aıyp taǵylǵan.

Al 2025 jyldyń jeltoqsan aıynyń sońynda arnaıy prokýrorlar toby ıÝn Sok Eldi 10 jylǵa bas bostandyǵynan aıyrýdy talap etken.