Ońtústik Koreıanyń burynǵy prezıdenti ómir boıy bas bostandyǵynan aıyryldy
ASTANA. KAZINFORM – Seýldiń ortalyq aýdandyq soty Ońtústik Koreıanyń burynǵy prezıdenti ıÝn Sok Elge 2024 jyldyń jeltoqsanyndaǵy búlik týralyis boıynsha ómir boıy bas bostandyǵynan aıyrý jazasyna kesti, dep habarlaıdy Kazinform.
Otyrys kórsetilimi ulttyq telearnada tikeleı efırde kórsetildi.
Ótken jyldyń qańtarynda burynǵy prezıdentke 2024 jyldyń 3 jeltoqsanynda alty saǵatqa sozylǵan áskerı jaǵdaıdyń qysqa merzimdi engizilýinen keıin kóterilis uıymdastyrdy degen aıyp taǵyldy.
Burynǵy prezıdent depýtattarǵa onyń jarlyǵyna qarsy daýys berýine jol bermeý maqsatynda Ulttyq jınalys aýmaǵyn qorshaý úshin áskerı qyzmetkerler men polıtsııany jumyldyrǵany, sondaı-aq Ulttyq jınalys spıkerin jáne sol kezdegi bıleýshi jáne negizgi oppozıtsııalyq partııalardyń jetekshilerin tutqyndaýǵa buıryq bergeni úshin aıyptalyp otyr, dep jazdy Yonhap.
Aıyptaý aktisine sáıkes, ıÝn Sok El burynǵy qorǵanys mınıstrimen jáne basqa tulǵalarmen birge Konstıtýtsııaǵa nuqsan keltirýge baǵyttalǵan tártipsizdikterdi uıymdastyrý jáne soǵys nemese osyǵan uqsas ulttyq tótenshe jaǵdaı bolmaǵan kezde áskerı jaǵdaıdy zańsyz jarııalaý úshin sóz baılasqan.
Ótken aıda is boıynsha sońǵy tyńdaý kezinde arnaıy prokýror Cho Yn- Sýktyń komandasy burynǵy prezıdent úshin ólim jazasyn talap etip, onyń «sot jáne zań shyǵarýshy bılikti basyp alý jolymen bılikti uzaq ýaqyt boıy saqtaý maqsatynda» áskerı jaǵdaıdy jarııalaǵany úshin eń joǵary jazaǵa laıyq ekenin alǵa tartty.
- Qylmystyń sıpaty aýyr, sebebi ol ulttyq ujymnyń múddesi úshin ǵana paıdalanylýy tıis materıaldyq resýrstardy jumyldyrdy, - dep málimdedi arnaıy prokýror toby.
Aıta ketý kerek, Ońtústik Koreıada ólim jazasy 1997 jyldan beri qoldanylǵan joq.
Qorytyndy sózinde ıÝn Sok El prezıdenttiń tótenshe jaǵdaı jarııalaý konstıtýtsııalyq quqyǵyn júzege asyrýdy kóterilis dep sanaýǵa bolmaıtynyn alǵa tartyp, óziniń kinásizdigin qaıtalady.
- Bul azamattardy basyp-janshyp otyrǵan áskerı dıktatýra emes, bostandyq pen egemendikti qorǵaý jáne konstıtýtsııalyq tártipti qalpyna keltirý áreketi boldy, - dedi ol.
Eske salaıyq, eks-prezıdentke 2024 jylǵy jeltoqsanda qysqa merzimge áskerı jaǵdaı engizý arqyly búlik uıymdastyrdy jáne bıligin asyra paıdalandy degen aıyp taǵylǵan.
ıÝn Sok El shilde aıynan beri qamaýda, ol sol kezde áskerı jaǵdaıǵa baılanysty iste ekinshi ret tutqyndalǵan bolatyn.
ıÝn Sok El shilde aıynan beri qamaýda otyr. Ol jeltoqsanda áskerı jaǵdaıdy sátsiz engizýge baılanysty aıyptar boıynsha ekinshi ret tutqyndalǵan.
Qańtar aıynyń sońynda Ońtústik Koreıanyń burynǵy birinshi hanymy Kım Kon Hıdi iskerlik kelissózder kezinde shirkeý birlestiginen qymbat syılyqtar alǵany úshin kináli dep taýyp, bir jyl segiz aıǵa bas bostandyǵynan aıyrý jazasyn kesti.