Ońtústik Koreıanyń burynǵy qorǵanys mınıstri qamaýǵa alyndy

ASTANA. KAZINFORM – Burynǵy qorǵanys mınıstri Kım En Hen prezıdent ıÝn Sok Elǵa ótken aptada áskerı jaǵdaı engizý arqyly búlik shyǵarýǵa kómektesti degen aıyppen cársenbide resmı túrde qamaýǵa alyndy. Oǵan, sondaı-aq kóteriliske qatysýshylardyń basqalaryna qandaı jaza taǵaıyndalýy múmkin ekenin Yonhap aqparat agenttigi jazdy.  

Birinshi tutqyndaý 

Seýl ortalyq aýdandyq soty Kım En Hendi prokýrorlar búlikke qatysty «negizgi» áreketterge qatysty jáne bılikti asyra paıdalandy dep aıyptaǵannan keıin ony qamaýǵa alý týraly sanktsııa berdi. Burynǵy qorǵanys mınıstri osy oqıǵalarǵa baılanysty resmı túrde qamaýǵa alynǵan alǵashqy tulǵa boldy.

Kım En Hendi qamaýǵa alýdy talap etken prokýrorlar ony «prezıdent ıÝn Sok Elmen ulttyq Konstıtýtsııany buzý úshin búlik uıymdastyrdy» dep aıyptady. 

Kım En Hen Qorǵanys mınıstri qyzmetin atqara otyryp, ıÝn Sok Elǵa áskerı jaǵdaı jarııalaýdy usynyp, Ulttyq jınalys (parlament) men Ulttyq saılaý komıssııasynyń shtab-páterine áskerı qyzmetkerlerdi ornalastyrýǵa buıryq berdi degen kúdikke ilindi. 

Buǵan qosa, prokýrorlar burynǵy qorǵanys mınıstri prezıdentpen aqyldasa otyryp, Ulttyq jınalystyń ókilettikterin konstıtýtsııalyq emes shekteýlerdi qamtıtyn áskerı jaǵdaı týraly jarlyq ázirledi degen kúdikke ilindi. 

Habarlanǵandaı, jaýap alý kezinde burynǵy mınıstr prezıdentke áskerı jaǵdaı engizýdi usynǵanyn moıyndady, alaıda ol óz áreketiniń zańsyz nemese konstıtýtsııaǵa qaıshy emes ekenin aıtty. 

Burynǵy qorǵanys basshysyn resmı túrde qamaýǵa alý ıÝn Sok Elǵa qarsy kóteriliske qatysty aıyptardy tergeýdi tezdetedi dep kútilip otyr. 

Ózin-ózi óltirý áreketi

Agenttiktiń habarlaýynsha, Kım En Hen Seýldiń shyǵysyndaǵy ýaqytsha ustaý oqshaýlaǵyshynda óz-ózine qol jumsamaq bolǵan. Bul áreketi sátsizdikke ushyraǵannan keıin burynǵy qorǵanys mınıstri kúzetiletin kameraǵa aýystyryldy, onyń jaǵdaıy turaqty.
Qatań jaza

Ońtústik Koreıa zańy boıynsha, búlik kóshbasshysy dep tanylǵan adam ólim jazasy nemese ómir boıyna bas bostandyǵynan aıyrylýy múmkin. Sondaı-aq qastandyq jasaýshylar nemese «negizgi» áreketterdi jasaǵandar ólim jazasyna kesilýi, ómir boıyna nemese keminde bes jylǵa bas bostandyǵynan aıyrylýy múmkin.

Bul rette, Yonhap agenttigi atap ótkendeı, prezıdent zańǵa sáıkes, búlik shyǵarǵan jaǵdaılardy qospaǵanda, qyzmette bolǵan kezde qylmystyq qýdalaýdan ımmýnıtetke ıe. 

Buǵan deıin Ońtústik Koreıanyń Ulttyq assambleıasy ótken aptada áskerı jaǵdaı engizý áreketine qatysty ıÝn Sok El men jeti sheneýnikti tez arada qamaýǵa alýdy talap etetin qarar qabyldady. 

Sondaı-aq Ońtústik Koreıa parlamenti prezıdent ıÝn Sok Elǵa qatysty aıyptaýlardy tekserý úshin arnaıy prokýror taǵaıyndaý týraly zań jobasyn qabyldady. 

Buǵan deıin Ońtústik Koreıa prezıdentine saparǵa shyǵýǵa tyıym salyndy. Elden shyǵýǵa tyıym salý ıÝn Sok El jarııalaǵan áskerı jaǵdaıǵa baılanysty tergeý amaldary úshin qajet boldy. 

Eske sala ketsek, Ońtústik Koreıanyń prokýratýrasy prezıdentke qarsy memleketke opasyzdyq jasady degen aıyp taǵyp otyr. Ońtústik Koreıanyń burynǵy qorǵanys mınıstri de memleketke opasyzdyq jasady degen aıyppen qamaýǵa alyndy. 

Sonymen qatar, Ulttyq jınalys plenarlyq otyrysta Prezıdentke ımpıchment jarııalaý týraly usynysqa daýys saldy. Bıliktegi «Halyqtyq bılik» partııasynyń (HBP) úsh zań shyǵarýshysynan basqasy ımpıchment týraly usynysqa daýys berýge boıkot jarııalady.