Elimizde apta ishinde bolǵan kadrlyq taǵaıyndaýlar
ASTANA. KAZINFORM – Osy apta ishinde elimizde birqatar kadrlyq aýys-túıis boldy.
23 jeltoqsanda Jandos Qanatuly Aqyl Almaty oblysy tsıfrlyq tehnologııalar basqarmasynyń basshysy laýazymyna taǵaıyndaldy.
Jandos Qanatuly 1996 jyly týǵan, bilimi joǵary.
2018 jyly Halyqaralyq aqparattyq tehnologııalar ýnıversıtetin «aqparattyq júıeler» mamandyǵy boıynsha, 2021 jyly Іlııas Jansúgirov atyndaǵy Jetisý ýnıversıtetin «qarjy» mamandyǵy boıynsha bitirgen.
Eńbek jolyn Almaty oblysy ákimi apparatynyń «Aqparattyq tehnologııalar ortalyǵy» kommýnaldyq memlekettik mekemesiniń ınjeneri bolyp bastaǵan.
Ár jyldary «Almaty oblysy tsıfrlyq tehnologııalar basqarmasy» memlekettik mekemesiniń bas mamany, bólim basshysy, basqarma basshysynyń orynbasary, Almaty oblysy ákimi apparatynyń jobalyq keńse jáne memlekettik qyzmetter monıtorıngi bóliminiń basshysy bolyp jumys istedi.
2024 jyldyń qazan aıynan qazirgi ýaqytqa deıin Almaty oblysy ákimi apparatynyń uıymdastyrý-ınspektorlyq jumys bóliminiń bas ınspektory laýazymynda qyzmet etti.
23 jeltoqsanda Asqar Sultanuly Estibaev Túlkibas aýdanynyń ákimi bolyp taǵaıyndaldy.
Asqar Estibaev 1974 jyly 18 shildede Túlkibas aýdanynda dúnıege kelgen, bilimi joǵary. «Zańger», «ekonomıka» mamandyqtary boıynsha bilim alǵan.
Eńbek jolyn 1998 jyly Almaty qalasy Almaly aýdandyq sotynyń prıstavy bolyp bastady. 2002-2006 jyldary Astana qalasy sot ákimshisinde bólim bastyǵy, Astana qalasy jáne Aqmola oblysy boıynsha «Qarjylyq boryshtarmen jumys ortalyǵy» fılıalynyń dırektory, Astana qalasy «Qalalyq jyljymaıtyn múlik» kásipornynyń dırektory qyzmetterin atqardy.
2006-2013 jyldary Qazaqstan Respýblıkasynyń Reseı Federatsııasyndaǵy Elshiliginde, Qazaqstan Respýblıkasynyń Bilim jáne ǵylym, Baılanys jáne aqparat, Kólik jáne kommýnıkatsııa, Mádenıet jáne aqparat mınıstrlikterinde túrli deńgeıde basshylyq laýazymdarda eńbek etti.
2013-2022 jyldary Shymkent qalasy ákiminiń keńesshisi, «Shymkent» áleýmettik-kásipkerlik korporatsııasynyń Basqarma tóraǵasynyń orynbasary, Qazaqstan Respýblıkasy Bilim jáne ǵylym, Energetıka, Ekologııa, geologııa jáne tabıǵı resýrstar mınıstrlikterinde basqarma basshysy, departament dırektory qyzmetterin atqardy.
2022 jyldyń qazan aıynan osy ýaqytqa deıin Túrkistan oblysy ákimi apparaty basshysynyń orynbasary laýazymynda eńbek etti.
Aptanyń alǵashqy kúni Nurbek Qoshqarbaev Abaı oblysy Besqaraǵaı aýdanynyń ákimi bolyp taǵaıyndaldy.
Nurbek Tursynqanuly 1979 jyly 5 maýsymda Abaı oblysy Kókpekti aýdany Kókpekti aýylynda dúnıege kelgen.
Semeı qalasyndaǵy M.Áýezov atyndaǵy pedagogıkalyq kolledjdiń «Bastaýysh synyp jáne ulttyq mektepte orys tili páni muǵalimi», M. Áýezov atyndaǵy Semeı ýnıversıtetin «Qazaq tili jáne ádebıet muǵalimi», Qazaq ınnovatsııalyq gýmanıtarlyq-zań ýnıversıtetin «Quqyqtaný», Semeı qalasynyń Shákárim atyndaǵy ýnıversıtetin «Qurylys materıaldaryn, buıymdaryn jáne qurastyrylymdaryn óndirý» mamandyqtary boıynsha bitirgen.
Eńbek jolyn Semeı qalasynyń № 33 orta mektebiniń bastaýysh synyptaryndaǵy orys tili pániniń muǵalimi bolyp bastaǵan.
2002-2008 jyldary Semeı qalasynyń №17 orta mektebinde qazaq tili jáne ádebıeti pániniń muǵalimi, tárbıe jumysy boıynsha dırektordyń orynbasary;
2008-2009 jyldary Semeı qalasynyń №36 orta mektebinde qazaq tili jáne ádebıeti pániniń muǵalimi, oqý-tárbıe jumysy boıynsha dırektordyń orynbasary;
2009-2010 jyldary Aqmola oblysynyń Jaqsy aýdanynyń Jaqsy aýylynyń №2 Jaqsy orta mektebiniń dırektory;
2010-2012 jyldary Semeı qalasynyń bilim bóliminiń bas mamany;
2012-2013 jyldary Besqaraǵaı aýdany ákim apparatynyń uıymdastyrý-kadr jáne memlekettik-quqyq jumysy bóliminiń basshysy;
2014 - 2015 jyldary Semeı qalasy ákim apparatynyń uıymdastyrý-ınspektorlyq jumys bóliminiń basshysy;
2015-2019 jyldary Kýrchatov qalasy ákimi apparatynyń basshysy;
2019 jyldan osy ýaqytqa deıin Abaı oblysy Kýrchatov qalasy ákiminiń orynbasary qyzmetin atqarǵan.
Apta basynda Talǵat Muratov Semeı qalasynyń ákimi bolyp taǵaıyndaldy. Ol buǵan deıin Besqaraǵaı aýdanyn basqarǵan.
Talǵat Batyruly Almaty oblysy Qaratal aýdany Kálpe aýylynda dúnıege kelgen.
2007 jyly – Qazaq bas sáýlet qurylys akademııasyn, 2015 jyly – Qazaqstan ınnovatsııa ýnıversıtetin, 2018 jyly Qazaq qatynas joldary ýnıversıtetin aıaqtaǵan.
Eńbek jolyn 1993 jyly «Stroıdetal» jeke kásipornynyń atqarýshy dırektory qyzmetinen bastady. Ár jyldarda túrli mekemelerde basshylyq qyzmet atqardy.
2014-2018 jyldary Besqaraǵaı aýdanynyń sáýlet, qala qurylysy jáne qurylys bóliminde bas mamannan bastap, bólim basshysy boldy.
2018-2022 jyldary Jarma aýdany ákiminiń orynbasary bolyp jumys istedi.
2022 jyldyń qazan aıynan osy ýaqytqa deıin Besqaraǵaı aýdanynyń ákimi laýazymyn atqarǵan.
Dúısenbide Qýanysh Súleımenov Abaı oblysy ákiminiń orynbasary bolyp taǵaıyndaldy.
Qýanysh Serqazyuly 1973 jyly burynǵy Semeı oblysynyń Shar qalasynda týǵan. Semeı memlekettik ýnıversıtetiniń tarıh fakýltetin bitirdi.
Oqýyn Qazaq memlekettik zańgerlik akademııada, Semeı qalasyndaǵy Shákárim atyndaǵy memlekettik ýnıversıtette «Mal sharýashylyǵy ónimderin óndirý tehnologııasy» mamandyǵy boıynsha jalǵastyryp, aýylsharýashylyq ǵylymdarynyń magıstri atanǵan.
«Shalabaı» JShS bas dırektory qyzmetin atqardy. VII saılanǵan Abaı oblystyq máslıhatynyń hatshysy bolǵan.
2023 jyldyń naýryz aıynda Abaı oblystyq máslıhatynyń tóraǵasy qyzmetine saılanyp, osy ýaqytqa deıin jumys istedi.
23 jeltoqsanda Atyraý oblysy ákiminiń ókimimen oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy laýazymyna Polymbet Hasanov taǵaıyndaldy.
Polymbet Hasanov 1980 jyly Inder aýdanynda dúnıege kelgen. Qazirgi zamanǵy gýmanıtarlyq ýnıversıtetin zańger mamandyǵymen bitirgen. H.Dosmuhamedov atyndaǵy Atyraý ýnıversıtetiniń ekonomıka jáne basqarýdaǵy bıznes-analıtıka mamandyǵy boıynsha magıstr dárejesin alǵan.
Ol 2002-2005 jyldar aralyǵynda oblystyq ishki ister departamenti júıesinde jumys istegen. 2005-2006 jyldary oblystyq kásipkerlik jáne ónerkásip departamentinde bas maman, 2006-2010 jyldary aralyǵynda oblys ákimi apparatynda bas maman, oblys ákiminiń bas ınspektory, 2010-2014 jyldary Maqat aýdany ákimi apparatynyń basshysy, aýdan ákiminiń orynbasary laýazymdaryn atqarǵan.
Al 2014 jyly oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary, 2014-2019 jyldary Atyraý qalasy ákimi apparatynyń basshysy, keıinnen Atyraý qalasy ákiminiń orynbasary, 2019-2021 jyldary aralyǵynda oblys ákimi apparaty basshysynyń orynbasary bolǵan.
2021-2023 jyldar aralyǵynda Isataı aýdany ákimi, 2023 jyldan osy taǵaıyndaýǵa deıin oblystyq kásipkerlik jáne ónerkásip basqarmasynyń basshysy qyzmetin atqaryp keldi.
24 jeltoqsanda Danııar Orynbasarov Atyraý oblystyq kásipkerlik basqarmasynyń basshysy boldy.
Danııar Orynbasarov 1987 jyly Atyraý oblysynda dúnıege kelgen. S.Ótebaev atyndaǵy Atyraý munaı jáne gaz ýnıversıtetin munaı-gaz isi, H.Dosmuhamedov atyndaǵy Atyraý memlekettik ýnıversıtetin quqyqtaný mamandyǵymen bitirgen. Qazaqstan Respýblıkasy Prezıdenti janyndaǵy Memlekettik basqarý akademııasynyń memlekettik jáne jergilikti basqarý magıstri dárejesin alǵan.
Eńbek jolyn 2008 jyly «Nurly Jol» JShS-nyń ınjeneri bolyp bastaǵan.
2009-2011 jyldary «Bateman Kazakhstan Oil&gas Company B. V» kompanııasy Atyraý fılıalynyń sýpervaızeri, 2012-2017 jyldary aralyǵynda Atyraý oblysy boıynsha kedendik baqylaý departamentinde, memlekettik kirister komıtetinde túrli laýazymynda jumys istedi.
2017-2022 jyldary aralyǵynda Ulttyq ekonomıka mınıstrligiinń ınvestıtsııalyq saıasat departamentinde bas sarapshy, ınvestıtsııalyq saıasat, keıinnen memlekettik-jekeshelik áriptestikti damytý basqarmasynyń basshysy bolǵan.
Al 2022-2023 jyldary Premer-Mınıstr Keńsesiniń ındýstrııaldyq-ınnovatsııalyq damý bóliminiń bas konsýltanty, 2023-2023 jyldary Premer-Mınıstr apparatynyń naqty sektordy jáne óńirlerdi damytý bóliminiń bas konsýltanty, 2023 jyldan osy taǵaıyndaýǵa deıin oblys ákimi apparaty basshysynyń orynbasary laýazymyn atqarǵan.
26 jeltoqsanda Qostanaı oblysy ákiminiń ókimimen Sarykól, Qostanaı jáne Jangeldın aýdandarynyń ákimderi taǵaıyndaldy.
Sarykól aýdanynyń ákimi bolyp Marat Lesbekuly Shymyrbekov taǵaıyndaldy.
Marat Lesbekuly 1973 jyly Ońtústik Qazaqstan oblysynyń Ordabasy aýdanynda týǵan. Shymkent ýnıversıtetin «Hımııa jáne bıologııa» mamandyǵy boıynsha jáne Qazaqstan ınjenerlik-pedagogıkalyq halyqtar dostyǵy ýnıversıtetin «Memlekettik jáne jergilikti basqarý» mamandyǵy boıynsha támamdaǵan. Buǵan deıin Zlatoýst aýyldyq okrýginiń ákimi jáne Sarykól aýdany ákiminiń orynbasary qyzmetterin atqarǵan.
Qostanaı aýdanynyń ákimi bolyp Oljas Jomartuly Nurǵalıev taǵaıyndaldy.
Oljas Jomartuly 1986 jyly Qostanaı oblysy Qostanaı aýdanynda týǵan. L. N. Gýmılev atyndaǵy Eýrazııa ulttyq ýnıversıtetin «Halyqaralyq qatynastar» mamandyǵy boıynsha, Zamanaýı gýmanıtarlyq akademııany jáne M.Dýlatov atyndaǵy Qostanaı ınjenerlik-ekonomıkalyq ýnıversıtetin «Ekonomıka» mamandyǵy boıynsha támamdaǵan. Ekonomıka ǵylymdarynyń magıstri dárejesine ıe. Buǵan deıin Qostanaı oblysy ákimdiginiń jolaýshylar kóligi jáne avtomobıl joldary basqarmasynyń basshysy qyzmetin atqarǵan.
Jangeldın aýdanynyń ákimi bolyp Dinmuhambet Serikuly Bıdashev taǵaıyndaldy.
Dinmuhambet Serikuly 1981 jyly Qostanaı oblysy Jangeldın aýdanynda týǵan.
A.Baıtursynov atyndaǵy Qostanaı memlekettik ýnıversıtetin «Ekonomıka jáne menedjment» mamandyǵy boıynsha támamdaǵan. Buǵan deıin Jangeldın aýdany ákiminiń orynbasary qyzmetin atqarǵan.
Barlyq taǵaıyndalǵan ákimder memlekettik basqarý salasynda úlken tájirıbege jáne tıimdi basshylyq jasaýǵa qajetti praktıkalyq bilimderge ıe.
Qanat Ádilbaı Abaı oblysy ákiminiń orynbasary bolyp taǵaıyndaldy.
Qanat Serikqanuly 1972 jyly 14 jeltoqsanda Abaı oblysy Aıagóz aýdany Aıagóz qalasynda dúnıege kelgen. Oqyǵan mamandyǵy – ınjener-ekonomıst, ekonomıka ǵylymdarynyń kandıdaty.
Eńbek jolyn 1996 jyly Semeı qalasy boıynsha salyq ınspektsııasynyń zańdy tulǵalardyń salyq salý bóliminiń birinshi kategorııaly mamany bolyp bastady.
Uzaq jyldar boıy Semeı qalasynyń salyq komıtetiniń tóraǵasy bolyp jumys istep, keıin Qarjy mınıstrliginiń júıesinde eńbek etti.
2019-2021 jyldar aralyǵynda Semeı qalasy ákiminiń bıýdjetti qalyptastyrý jáne atqarý, nesıe jáne keden saıasaty, bank mekemesi, jer qatynastary, aýyl sharýashylyǵy, veterınarııa, ónerkásip, kásipkerlik, baılanys, týrızm jáne saýda, eńbek ınspektsııasy men qorshaǵan ortany qorǵaý salalary jónindegi orynbasary qyzmetin atqarǵan. Sondaı-aq «AKM Stroıservıs» JShS dırektory boldy.
2023 jyldan osy ýaqytqa deıin Aıagóz aýdanynyń ákimi laýazymyn atqarǵan.
26 jeltoqsanda Aıgúl Kenjebaeva Ónerkásip jáne qurylys mınıstrliginiń apparat basshysy bolyp taǵaıyndaldy.
Aıgúl Kenjebaeva 1980 jyly Jambyl oblysynda dúnıege kelgen. M. H. Dýlatı atyndaǵy Taraz memlekettik ýnıversıtetin, Qaraǵandy ekonomıkalyq ýnıversıteti jáne QR Prezıdenti janyndaǵy memlekettik basqarý akademııasyn bitirgen.
Eńbek jolyn 2001 jyly jeke kompanııada ekonomıst-menedjer bolyp bastaǵan.
2003-2004 jyldary QR Eńbek jáne áleýmettik qorǵaý mınıstrligi Astana qalasy boıynsha departamenti bóliminiń jetekshi mamanynyń m. a.
2004-2010 jyldary QR Indýstrııa jáne saýda mınıstrliginiń jetekshi mamany, bas mamany, bólim bastyǵy, basqarma bastyǵy.
2010-2014 jyldary QR Indýstrııa jáne jańa tehnologııalar mınıstrliginiń basqarma bastyǵy, departament dırektorynyń orynbasary.
2014-2019 jyldary QR Investıtsııalar jáne damý mınıstrligi departamenti dırektorynyń orynbasary, departament dırektory.
2019-2023 jyldary QR Indýstrııa jáne ınfraqurylymdyq damý mınıstrligi departamentiniń dırektory.
2023 jylǵy qazannan bastap qazirgi ýaqytqa deıin Ónerkásip jáne qurylys mınıstrligi departamentiniń dırektory.
26 jeltoqsanda Tótenshe jaǵdaılar mınıstriniń buıryǵymen Serik Júnisbekov tótenshe jaǵdaılardyń aldyn alý komıtetiniń tóraǵasy qyzmetine taǵaıyndaldy.
Serik Júnisbekov 1981 jyly Taraz qalasynda dúnıege kelgen. Qazaq memlekettik zań akademııasyn, M. H. Dýlatı atyndaǵy Taraz memlekettik ýnıversıtetin bitirgen.
Eńbek jolyn 2002 jyly Jambyl oblysy Іshki ister basqarmasynyń tergeýshisi bolyp bastaǵan.
2003-2007 jyldary-Jambyl oblysy Іshki ister departamentiniń maman-tergeýshisi, aǵa tergeýshisi.
2007 jyldan 2010 jylǵa deıin QR ІІM Akademııasynyń ǵylymı-zertteý ınstıtýtynyń qurylymynda jumys istedi.
2010-2018 jyldary-Jambyl oblysy ІІD bólim bastyǵy, Shtab-basqarma bastyǵynyń orynbasary, Ákimshilik polıtsııa basqarmasy bastyǵynyń orynbasary, bastyǵynyń orynbasary.
2019 j. - QR ІІM Almaty akademııasy bastyǵynyń orynbasary.
2019-2021 jyldary — Almaty oblysy polıtsııa departamenti bastyǵynyń birinshi orynbasary.
2021-2023 jyldary-Shyǵys Qazaqstan oblysy polıtsııa departamenti bastyǵynyń birinshi orynbasary, bastyǵy.
2023-2024 jyldary-QR ІІM Qostanaı akademııasynyń bastyǵy.
2024 jyly — QR TJM departamentiniń bastyǵy.
2024 jylǵy tamyzdan bastap qazirgi ýaqytqa deıin Tótenshe jaǵdaılar mınıstrligi tótenshe jaǵdaılardyń aldyn alý komıteti tóraǵasynyń mindetin atqarýshy qyzmetinde boldy.
27 jeltoqsanda Baıanbek Qyryqbaev Aqtóbe qalasyndaǵy Astana aýdanynyń ákimi qyzmetine taǵaıyndaldy.
Joǵary bilimdi maman Batys Qazaqstan memlekettik ýnıversıtetin quqyqtaný, Batys Qazaqstan ınjenerlik-gýmanıtarlyq ýnıversıtetin kadastr biliktiligi boıynsha aıaqtaǵan.
Eńbek jolyn muǵalim bolyp bastaǵan.
Ár jyldary Batys Qazaqstan oblysy Ádilet basqarmasynyń jetekshi mamany.
Aqjaıyq aýdany memlekettik sanıtarlyq-epıdemıologııalyq qadaǵalaý basqarmasynyń bas mamany.
Batys Qazaqstan jáne Aqtóbe oblystary jer qatynastarynyń bas mamany.
«Aqtóbe Jer ǵylymı-óndiristik ortalyǵy» RMK bóliminiń bastyǵy.
Aqtóbe oblysy ákimi apparatynyń uıymdastyrý-baqylaý bóliminiń bas ınspektory.
Qobda aýdany ákiminiń orynbasary boldy.
Aqtóbe oblysy ákimi apparatynyń óńirlik damý, uıymdastyrý-baqylaý jumysy bóliminiń basshysy qyzmetterin atqardy.
Taǵaıyndalǵanǵa deıin QR Aýyl sharýashylyǵy mınıstrligi Jer resýrstaryn basqarý komıteti Aqtóbe oblysynyń Jer resýrstaryn basqarý departamentin basqardy.
Juma kúni Tanymal qazaqstandyq balýan Maqsat Erejepov Qostanaı oblystyq Grek-rım, erkin jáne áıelder kúresi federatsııasynyń prezıdenti bolyp taǵaıyndaldy.
Maqsat Arshabaıuly — grek-rım kúresinen halyqaralyq dárejedegi sport sheberi, Azııanyń úsh dúrkin chempıony, áskerıler arasyndaǵy álem chempıonatynyń qola júldegeri, sondaı-aq Qazaqstan Respýblıkasynyń bes dúrkin chempıony.
Al Qostanaı oblysynyń Grek-rım, erkin jáne áıelder kúresi federatsııasynyń atqarýshy dırektory qyzmetine Talǵat Jıentaev taǵaıyndaldy.