Ońtústik Koreıada eks-prezıdentke qatysty sot úkimi jarııalanady

ASTANA. KAZINFORM – Ońtústik Koreıanyń burynǵy prezıdenti ıÝn Sok El osy aptada 2024 jylǵy jeltoqsanda áskerı jaǵdaı engizýge talpynýyna baılanysty qozǵalǵan ister boıynsha alǵashqy sot úkimin estıdi. Bul týraly resmı derekkózder habarlady, dep jazady Yonhap.

Seýldiń ortalyq aýdandyq soty bılik ókilderiniń qyzmetine kedergi keltirý jáne birqatar ilespe aıyptar boıynsha úkimdi juma kúni saǵat 14:00-de jarııalaýdy belgiledi. Іs ıÝn Sok Eldiń áskerı jaǵdaı engizý jónindegi sátsiz áreketine jáne ony joıýdan keıingi qadamdaryna qatysty.

Atalǵan sheshim eks-prezıdent aıyptalýshy retinde qatysyp otyrǵan segiz qylmystyq istiń ishindegi alǵashqysy bolmaq. Bul isterdiń qatarynda 2024 jylǵy 3 jeltoqsanda áskerı jaǵdaı jarııalanǵannan keıin búlik uıymdastyrdy degen aıyp ta bar.

Qaralyp otyrǵan úkim 2025 jylǵy qańtarda tergeýshilerdiń ıÝn Sok Eldi ustaýyna kedergi keltirý derekterine, áskerı jaǵdaı máselesi boıynsha ótken keńeske shaqyrylmaǵan mınıstrler kabınetiniń toǵyz múshesiniń quqyqtaryn buzýǵa, sondaı-aq áskerı jaǵdaı týraly jarlyqtyń óńdelgen nusqasyn daıyndap, keıin ony joıýǵa baılanysty epızodtardy qamtıdy.

Ótken aıda arnaıy prokýror Cho Yn Sok eks-prezıdentke 10 jylǵa bas bostandyǵynan aıyrý jazasyn taǵaıyndaýdy surap, bılikten shettetilgen kóshbasshy memlekettik organdy óz áreketterin jasyrý jáne aqtaý úshin jeke maqsatta paıdalanǵanyn málimdedi.

Sottaǵy sońǵy sózinde ıÝn Sok El prezıdenttiń qaýipsizdik qyzmetin óz ustalýynyń aldyn alý úshin tartý oryndy boldy dep málimdep, memleket basshysynyń qaýipsizdigin qamtamasyz etý sharalary shamadan tys dep baǵalanbaýy tıis ekenin aıtty.

Bul is Seýldiń ortalyq aýdandyq sotynyń basqa quramy negizgi aıyp – búlik uıymdastyrý boıynsha úkim shyǵarǵanǵa deıin aıaqtalady. Atalǵan is boıynsha tyńdaý 19 aqpanǵa belgilengen. Al seısenbi kúni arnaıy prokýrorlar toby áskerı jaǵdaı jarııalaý arqyly búlikke basshylyq jasady degen aıyppen ıÝn Sok Elge ólim jazasyn suraǵan.

Qalǵan alty is ózge eki arnaıy prokýrorlar tobynyń tergeýinde. Olar eks-prezıdenttiń jubaıy, burynǵy birinshi hanym Kım Ken Hı qatysty bolýy múmkin sybaılas jemqorlyq derekterine, sondaı-aq 2023 jyly teńiz jaıaý áskeri qyzmetkeriniń qaza tabýyn tergeýge yqtımal aralasý máselelerine baılanysty.

Aıta keteıik, buǵan deıin Ońtústik Koreıanyń burynǵy prezıdentine ólim jazasy kesilýi múmkin ekeni habarlandy.