Ońtústik Koreıa prezıdentiniń qaıyn enesi bas bostandyǵynan aıyryldy
Beısenbi kúni Ońtústik Koreıanyń joǵarǵy soty el prezıdenti ıÝn Sok Eldyń qaıyn enesine jer telimin satyp alý kezinde paıdalanǵan bank qujatyn qoldan jasaǵany úshin bir jylǵa bas bostandyǵynan aıyrý jazasyn bekitti, dep habarlaıdy Kazinform Yonhap saıtyna silteme jasap.
Birinshi hanym Kım Kon Hıdiń 76 jastaǵy anasy Chhve Yn Sýn 2013 jyly Seýldiń ońtústigindegi Sonnam qalasynan jyljymaıtyn múlik satyp alý kezinde bank balansy týraly jalǵan anyqtama paıdalanǵan dep aıyptaldy. Jalǵan qujat onyń shotyna sol jyldyń sáýir aıynan qazan aıyna deıin 34,9 mlrd von (26,7 mln dollar) úles qosqanyn kórsetti.
2021 jyldyń jeltoqsan aıynda aýdandyq sot Chhve Yn Sýndy qamaýǵa almastan, bir jylǵa bas bostandyǵynan aıyrý týraly úkim shyǵardy. Alaıda apellıatsııalyq sot bıylǵy jyldyń shildesinde bas bostandyǵynan aıyrý jazasyn rastaǵannan keıin ony qamaýǵa alý týraly úkim shyǵardy. Óziniń kinásiz ekenin alǵa tartqan Chhve sot úkimimen kelispeıtinin aıtty.
