Ońtústik Koreıa prezıdenti NATO sammıtine qatyspaıtyn boldy

ASTANA. KAZINFORM – Prezıdent Lı Chje Men Soltústikatlantıkalyq alıans (NATO) sammıtine qatyspaıdy. Oǵan eldegi basym baǵyttaǵy ister men Taıaý Shyǵystaǵy kún sanap, ýshyǵyp kele jatqan shıelenis sebep bolyp otyr, dep habarlaıdy Yonhap.

Prezıdent Lı Chje Men osy aptada, seısenbi men sársenbi kúnderi Nıderlandta ótetin sammıtke qatysý múmkindigin qarastyryp otyrǵan edi.

Alaıda prezıdent onyń ákimshiliginiń habarlaýynsha, AQSh-tyń jaqynda Irannyń úsh ıadrolyq nysanyna soqqy berýine baılanysty jıynǵa barmaıtyn bolyp sheshti.

- Ulyqtaý rásiminen keıin qaldyrýǵa bolmaıtyn memlekettik isterge qaramastan úkimet prezıdent Lı-diń NATO sammıtine qatysýyn qarastyryp jatqan edi, - dep málimdedi prezıdenttiń baspasóz hatshysy Kan ıÝ Chjon.

Alaıda kóptegen ishki máselelelerdi jan-jaqty saralaı kele jáne Taıaý Shyǵystaǵy shıelenisti nazarǵa ala otyryp, prezıdent sammıtke qatyspaıtyn bolyp sheshti.

Japonııa Premer-mınıstri Sıgerý Isıba da NATO sammıtine qatysý úshin josparlaǵan saparyn ózgertýdi oılap otyr, dep habarlady Kyodo News derekkózi.

Osyǵan deıin NATO sammıtinde Taıaý Shyǵystaǵy qaqtyǵystar talqylanbaıtyny týraly jazǵan edik.