Ońtústik Koreıa ıt etin jeýge tyıym salady

Ońtústik Koreıa úkimeti 2027 jylǵa qaraı Koreıada ıt etin tutynýdy tolyǵymen toqtatý úshin jyldyń sońyna deıin arnaıy zań engizýge kelisti, dep habarlaıdy Kazinform agenttigi The Korea Herald basylymyna silteme jasap.

Prezıdent ákimshiligi men basqarýshy partııasynyń ókilderi ıt ósirý men soıýǵa, sondaı-aq ıt etin jetkizý men satýǵa tyıym salatyn zań jobasyn qarastyrýǵa kelisti.

Óz qyzmetin ózgertýge nemese toqtatýǵa májbúr bolatyn kásiporyndarǵa úkimet qarjylyq qoldaý kórsetedi.

Ótken jyly Koreıada tutyný úshin ıt ósiretin 3500-ge jýyq ferma tirkelgen.

Olar eldegi 3000-ǵa jýyq meıramhanany ıt etimen qamtamasyz etedi.

Byltyr júrgizilgen saýalnamaǵa sáıkes, elde 18 jáne odan joǵary jastaǵy adamdardyń 64 paıyzy ıt etin jeý durys emes dep sanaıdy.