Ońtústikkoreıalyq fýtbolshy Azııanyń úzdik oıynshysy atandy

ASTANA. QazAqparat – Ońtústik Koreıa men aǵylshyndyq «Tottenhem» klýbynyń shabýylshysy Son Hyn Mın 2022 jyldyń qorytyndysy boıynsha Azııanyń úzdik oıynshysy atandy, dep habarlaıdy QazAqparat.

Shampionat.com saıtynan alynǵan málimetke qaraǵanda, Ońtústik Koreıanyń 30 jasar oıynshysy saýalnamada 256 upaı jınap, bul júldeni altynshy jyl qatarynan jeńip aldy.

Shabýylshynyń jalpy osyndaı 8 júldesi bar.

Azııa fýtbol jýrnalısteri men sarapshylary qatysqan saýalnamada ekinshi oryndy 120 upaımen Mehdı Taremı («Portý», Iran quramasy) men Salem Al-Dosarı («Al-Hılal», Saýd Arabııasy) bólisti.

Úzdik bestikke sondaı-aq ıtalııalyq «Napolı» men Ońtústik Koreıanyń qorǵaýshysy Kım Mın Chje men aǵylshyndyq «Braıton» men Japonııanyń vıngeri Kaorý Mıtoma ilikti.

Bıylǵy maýsymda Son Hyn Mın 28 matchta 8 gol soǵyp, 4 nátıjeli pas berdi.

Anglııa premer-lıgasynyń 23-týrynda «Tottenhem» syrt alańda 11 aqpan kúni «Lestermen» oınaıdy.

Eske sala keteıik, budan buryn Lıonel Messıdiń Ońtústik Amerıkanyń úzdik oıynshysy atanǵanyn jazǵan bolatynbyz.

Foto: GETTY IMAGES