Ońtústik Koreıaǵa jumysqa turǵyzamyn dep almatylyqtardan 2 mln teńge alǵan er adam ustaldy
Eki jáne odan da kóp adamǵa qatysty aldaý jáne senimge qııanat jasaý arqyly bótenniń múlkin birneshe ret urlaý – 27 jastaǵy Ts. esimdi azamattyń is-áreketi osyndaı bappen kvalıfıkatsııalanǵan.
«Qazirgi tańda sotqa deıingi tergeýdiń biryńǵaı tizilimine alaıaqtyq boıynsha 2 derek tirkeldi. Olar bir óndiriske biriktirilgen. Kúdikti ınternet-resýrs arqyly adamdardy aldaǵan. Ol Ońtústik Koreıaǵa jumysqa ornalasýǵa jáne jumys vızasyn alýǵa kómektesý týraly jalǵan habarlandyrýlar ornalastyrǵan. Aqshany alǵannan keıin er adam jasyrynyp qalǵan. QK-tiń 190-baby 3-bóliginiń 3-4 tarmaqtaryna sáıkes qylmys jasady degen kúdik boıynsha jedel-izdestirý is-sharalaryn júrgizý barysynda Ts. esimdi azamat ustaldy. Ol qamaýǵa alyndy», – dedi Jetisý aýdandyq Polıtsııa basqarmasynyń bastyǵy Darhan Musanov.
Tergeý qajettigin eskere otyryp, polıtsııa Ts. esimdi azamattyń qylmystyq áreketterinen zardap shekken azamattarǵa júginedi jáne olardan myna telefondar arqyly habarlasýlaryn suraıdy: +7-778-879-78-88; + 7-702-401-11-10.
Foto: polisia.kz
